13 قازان كۇنى ساعات 18:00-دە الماتىنىڭ ورتالىق ستاديونىندا ۋەفا ۇلتتار ليگاسىنىڭ توپتىق كەزەڭ اياسىندا قازاقستان – سلوۆەنيا ماچى وتەدى.
الماتىنىڭ سپورت باسقارماسى فۋتبولسۇيەر قاۋىمدى بيلەتتى الدىن الا قازاقستان فۋتبول فەدەراسياسىنىڭ رەسمي سەرىكتەسى Ticketon قىزمەتىنەن ساتىپ الۋعا جانە دۇرلىگىپ، ىعى-جىعى بولماس ءۇشىن ورتالىق ستاديونعا ەرتەرەك كەلۋگە شاقىرادى. بيلەت ستاديون كاسساسىندا ساتىلمايدى. دەلدالداردان بيلەت ساتىپ الماڭىز. ورتالىق ستاديونعا ساعات 16:00-دەن باستاپ كىرۋگە بولادى.
كورەرمەندەر ءۇشىن ماچ الدىنداعى قىزىقتى باعدارلاما دايىندالعان.
وتكىزۋ جۇيەسىن جاقسارتۋ ءۇشىن بيلەتكە ادامنىڭ ءاتى-جونى جازىلادى. ستاديونعا بيلەتتە جازىلعان ادام جەكە باسىن كۋالاندىراتىن قۇجاتىن (جەكە كۋالىك، ءتولقۇجات، جۇرگىزۋشى كۋالىگى) كورسەتكەن سوڭ كىرگىزىلەدى.
جولاۋشىلار لەگىنىڭ ارتۋىنا بايلانىستى قالا تۇرعىندارى مەن قوناقتارىنا ىڭعايلى بولۋ ءۇشىن ورتالىق ستاديون ارقىلى وتەتىن №34، 92، 118، 120، 120ا، 79، 121 اۆتوبۋستارىنىڭ باعىتى كۇشەيتىلەدى.
سونداي-اق، قوسىمشا 8 اۆتوبۋس ءبولىنىپ، تەگىن ەكسپرەسس-مارشرۋتتار ۇيىمداستىرىلادى:
* «شۇعىلا-City تۇك ايالداماسى – ورتالىق ستاديون»؛
* «Halyk Arena ايالداماسى – ورتالىق ستاديون»؛
* «الاتاۋ تەاترى ايالداماسى – ورتالىق ستاديون»؛
* «الماتى-1 تەمىرجول ۆوكزالى ايالداماسى – ورتالىق ستاديون».
اۆتوبۋستار ساعات 16:00-دە ءجۇرىپ، 20:30-دا كەرى قايتادى. ورتالىق ستاديوننان شىعاتىن اۆتوبۋستار اباي داڭعىلى مەن ساتبايەۆ كوشەسىنىڭ اراسىنداعى بايتۇرسىنوۆ كوشەسىنىڭ بويىنداعى تۇراقتا تۇرادى.
سونىمەن قاتار، جەدەل مارشرۋتتاردىڭ جينالۋ ورىندارى 2GIS سەرۆيسىندە جازىلادى.