بيىككە ۇمتىلعان ەل
زاماناۋي سينگاپۋر مەملەكەتىنىڭ نەگىزىن قالاۋشى ءارى اتاسى لي كۋان يۋدى بىلمەيتىن كوزى اشىق، كوكىرەگى وياۋ پەندە جوق شىعار. ول «قوعامداعى بەيبىتشىلىك پەن ۇيلەسىم كىلتى – ويىننىڭ ەرەجە بويىنشا اينالىپ، اركىمنىڭ وزىنە ءتيىستى قوعامدىق ۇلەسىن الۋىندا» دەپ قوعام مەن ادامعا باعا بەرىپتى. ءبىر كەزدەرى كىشكەنە عانا قالاشىق بولعان قالانى الەمنىڭ ايبىندى مەملەكەتىنە اينالدىردى. ەكونوميكاسىن دامىتتى. زاڭدارىن قاتايتتى. دامۋدىڭ داڭعىل جولىنا اقىل-ويدىڭ جەمىسى ارقىلى ءتۇستى. بارشا جاھان جۇرتى كوز تىككەن «قالا مەملەكەتكە» اينالدىردى. الىپ جۇڭگو مەن انگليادان يمەنبەدى. وسىلاردىڭ اراسىنان وزىندىك جول تاپتى. وسى تاقىلەتتەس تاعدىر وڭتۇستىك كورەيا، جاپونيا ەلدەرىنىڭ باسىندا دا بولاعان. ول تۇرعىسىنان بۇعان دەيىن بىرنەشە مارتە ءسوز قوزعادىق. ايتكەنمەن، جاساعان تاجىريبەلەرىن اينالىپ وتە المايمىز.
الەم تىنىسى. قازاقستان - وتە باقۋاتتى ەل. رۋحاني تۇرعىدان العاندا مادەنيەت، تاريح، شەجىرە، جادىگەرلەر، قۇندىلىقتارعا وتە بايمىز. ريمدىكتەر مەن ەجەلگى گرەكتەردىڭ ارحيتەكتۋرالىق ەسكەرتكىشتەرى بۇگىنگە دەيىن ەكونوميكالىق پايدا ءتۇسىرىپ تۇر. تۇركيانىڭ ءجونى ءبىر بولەك. ونداعى ءاربىر كونە جاۋھار قاراجات كوزى بولۋدا. باستىسى، سەرۆيس جاقسى جولعا قويىلعان. ساياحاتتاۋشىلار وزدەرىنىڭ راحاتى ءۇشىن اقشانى اياماسى انىق.
الگىندە باقۋاتتىلىق تۇرعىداعى ويدى ءتۇرتىپ وتتىك. ءبىزدىڭ ەل ەشكىمنەن كەم ەمەس. ءتىپتى، ماتەريالدىق ءھام رۋحاني تۇرعىدان بايمىز. مىڭ تاۋبە!
ءبىزدىڭ دالامىز - كونە جادىگەرلەر ورداسى. تالاي تاعدىردىڭ كۋاسى. وعان دالەل ءاربىر تاس، ءاربىر سۋ. ارعى جاعىن تەرەڭدەتە بەرۋگە بولادى. ويىمىز وسىنى ءتۋريزمنىڭ ادىس-تاسىلىنە سۇيەنىپ دامىتا بەرەر بولساق، ۇتقانىمىز. بۇل باعىتتا ءبىرشاما شارۋا اتقارىلىپ تا جاتىر.
قورىتۋ. ءبارىن تۇيگەندە شىعاتىن پايىم بىرەۋ. ول – قاستەرلى وتانىمىزدى دامىتۋ. بەيبىتشىلىك پەن تۇراقتىلىقتى ساقتاۋ. سوندا ءبارى بىرتىندەپ ورىندالماق.
ەلىمىزدىڭ ەرتەڭى جارىق بولسىن!