بۇگىن كوشەدەگى كولىك تىزگىندەگەندەرگە قاتىستى وسىنداي ەسكەرتۋ جاسالدى.
ەگەر ءسىزدىڭ كولىگىڭىزدەن شىققان مۋزىكانىڭ قاتتى داۋسى باسقالارعا كەدەرگى كەلتىرسە، ءسىزدى ۆيدەوعا ءتۇسىرىپ، «102» نومىرىنە حابارلاسۋعا بولادى، دەپ حابارلايدى Almaty-akshamy.kz
ىشكى ىستەر مينيسترلىگىنىڭ اقپارات الاڭىندا وتكەن ونلاين بريفينگىدە ءىىم اكىمشىلىك پوليسيا كوميتەتى ءتوراعاسىنىڭ ورىنباسارى جاندوس مۇراتالييەۆ وسىلاي دەدى.
«ياعني، جول قوزعالىسىنا قاتىسۋشىلاردىڭ ءبارى ءوزارا سىيلاسىپ، قوزعالىسقا ءقاۋىپسىز جاعداي جاساۋعا، باسقا قاتىسۋشىلارعا كەدەرگى جاساماۋعا مىندەتتى. مۇنداي فاكتىلەر انىقتالعان جاعدايدا ازاماتتارعا شەكتەن تىس ارەكەتتەردى سۋرەت پەن ۆيدەوعا ءتۇسىرۋدى ۇسىنامىن. سودان كەيىن اكىمشىلىك پوليسيا كوميتەتىنە حابارلاۋعا نەمەسە «102» نومىرىنە حابارلاسۋعا بولادى»، - دەپ ءتۇسىندىردى اكىمشىلىك پوليسيا كوميتەتى ءتوراعاسىنىڭ ورىنباسارى.