2025 جىلعى 18 ماۋسىمدا الماتى قالاسىنداعى UN Plaza-دا ورتالىق ازياداعى بۇۇ-نىڭ جاھاندىق شارتىنىڭ كوپ ەلدىك جەلىسى كەڭسەسىنىڭ رەسمي اشىلۋى ءوتتى.
كەڭسە بيزنەس، مەملەكەتتىك قۇرىلىمدار مەن ازاماتتىق قوعامنىڭ ورنىقتى دامۋ سالاسىنداعى ءوزارا ارەكەتتەستىگىن ۇيلەستىرۋ پلاتفورماسىنا اينالادى. جاڭا الاڭ ءوڭىر ەلدەرىندە بۇۇ-نىڭ ورنىقتى دامۋ ماقساتتارىن (ودم) ىسكە اسىرۋعا جاردەمدەسۋگە باعىتتالعان. كەڭسە قىزمەتى ودم-دى كورپوراتيۆتىك ستراتەگيالار مەن وپەراسيالىق پروسەستەرگە ينتەگراسيالاۋدا كومپانيالارعا قولداۋ كورسەتۋ، سونداي-اق بۇۇ-نىڭ جاھاندىق شارتىنىڭ ون قاعيداتىن ىلگەرىلەتۋدى قامتيتىن بولادى.
كەڭسە قىزمەتى بيزنەس-قوعامداستىقپەن ءوزارا ءىس-قيمىل، ورنىقتى دامۋ سالاسىنداعى كومپانيالاردىڭ الەۋەتىن دامىتۋ، سەمينارلار مەن كونفەرەنسيالار وتكىزۋ، سونداي-اق اقپاراتتىق جانە ءادىسنامالىق قولداۋ كورسەتۋ سياقتى باعىتتاردى قامتيدى.
ءوز كەزەگىندە، «الماتى» اكك 2023 جىلى بۇۇ جاھاندىق شارتىنا قوسىلعان قازاقستاننىڭ العاشقى الەۋمەتتىك-كاسىپكەرلىك كورپوراسياسى بولدى. كورپوراسيا بۇۇ-نىڭ ورنىقتى دامۋ سالاسىنداعى كۇن ءتارتىبىنىڭ قۇندىلىقتارىن قولايدى، بارلىق 17 ودم ماڭىزدىلىعىن مويىندايدى جانە ولارعا قول جەتكىزۋگە ۇلەس قوسادى.
«الماتى» اكك ءوز قىزمەتىنىڭ ەرەكشەلىگىن ەسكەرە وتىرىپ، ورنىقتى دامۋدىڭ التى باسىم ماقساتىن ايقىندادى، كورپوراسيا ولارعا قول جەتكىزۋگە بارىنشا ۇلەس قوسادى: اشتىقتى جويۋ؛ جاقسى دەنساۋلىق پەن ءال-اۋقات؛ ساپالى ءبىلىم بەرۋ؛ لايىقتى جۇمىس جانە ەكونوميكالىق ءوسۋ؛ يندۋستريالاندىرۋ، يننوۆاسيالار جانە ينفراقۇرىلىم؛ ورنىقتى قالالار مەن ەلدى مەكەندەر.