الماتى اكىمىنىڭ ورىنباسارى بەيبىت شاحانوۆ جۇمىس ساپارى اياسىندا قالانىڭ الەۋمەتتىك نىساندارىنىڭ قۇرىلىسى مەن قايتا جاڭارتۋ بارىسىن تەكسەردى، - دەپ حابارلايدى اqshamnews.kz ءتىلشىسى.
اكىمنىڭ ورىنباسارى ن. ساس اتىنداعى بالالار مەن جاسوسپىرىمدەرگە ارنالعان مەملەكەتتىك اكادەميالىق ورىس تەاترىنىڭ عيماراتىن قايتا جاڭارتۋ جۇمىستارىنىڭ بارىسىن تەكسەردى.
جوبادا تىرەك قۇرىلىمدارىن كۇشەيتۋ، تەسىلگەن شاتىر مەن قاسبەتتىك كەسپە تاستاردى، بارلىق ينجەنەرلىك كوممۋنيكاسيانى اۋىستىرۋ كوزدەلگەن. تەاتر جابدىقتارىن، ساحنا مەن جارىقتاندىرۋدى 100% جاڭارتۋ، جاقسى كورىنىسى مەن اكۋستيكاسى بار كورەرمەن زالىنىڭ كلاسسيكالىق ولشەمىن ساقتاۋ جوسپارلانعان.
سونداي-اق، الاڭى 10 مىڭ شارشى مەتر بولاتىن ءۇش قاباتتى جاڭا عيمارات سالۋ قاراستىرىلعان. جاڭا نىساندا 200-دەن استام ورىنعا ارنالعان ساحناسى بار كامەرالىق زال، گريم بولمەلەرى، شەبەرحاناعا ارنالعان ءۇي-جايلار، دەكوراسيا ساقتاۋعا ارنالعان قويمالار بولادى.
بۇگىندە نەگىزگى عيماراتتا ينجەنەرلىك جەلىلەر مەن العاشقى ارلەۋ جۇمىستارى جۇرگىزىلىپ جاتىر، 70% قوسىمشا جاقتاۋ سالىندى.
«تەاتردى قايتا جاڭارتۋ قالا ءۇشىن ماڭىزدى جوبا جانە ونى جۇزەگە اسىرۋ كەزىندە عيماراتتىڭ بىرەگەي ساۋلەتتىك كەلبەتىن ساقتاۋعا ەرەكشە نازار اۋدارىلادى. كەلەسى جىلى شىلدە ايىندا قالا تۇرعىندارى مەن قوناقتارى ەڭ جوعارى ستاندارتتارعا سايكەس كەلەتىن زاماناۋي جانە جايلى تەاتردى تاماشالاي الۋى ءۇشىن جۇمىستار بارىنشا ساپالى ءالى كورسەتىلگەن مەرزىمىندە ورىندالۋعا ءتيىس»، — دەدى بەيبىت شاحانوۆ.
قالا اكىمىنىڭ ورىنباسارى بۇدان سوڭ مەدەۋ اۋدانىنداعى قۇرىلىس الاڭىنا باردى. مۇندا جىلىنا 50-60 مىڭ شاقىرتۋعا قىزمەت كورسەتۋگە ارنالعان جەدەل مەديسينالىق جاردەمنىڭ قوسالقى ستانسياسىنىڭ ءۇش قاباتتى عيماراتى سالىنىپ جاتىر.
قوسالقى ستانسيادا 15 كوشپەلى جەدەل جاردەم بريگاداسى تاۋلىك بويى جۇمىس ىستەيدى، ونىڭ قۇرامىندا دارىگەر، فەلدشەر جانە جۇرگىزۋشى بولادى. عيمارات پاسيەنتتەردى قابىلدامايدى، مۇندا قىزمەتكەرلەر مەن جەدەل جاردەم پاركى ورنالاسادى. بۇل جۇمىستى بيىل جىل سوڭىنا دەيىن اياقتاۋ جوسپارلانىپ وتىر.
بۇعان قوسا، الماتى اكىمىنىڭ ورىنباسارى «رايىمبەك باتىر» مەموريالدىق كەشەنىنىڭ قۇرىلىس بارىسىمەن تانىستى. كەشەندە مۋزەي، زيارات ەتەتىن ورىندار جانە اكىمشىلىك عيماراتى بولادى.
قازىرگى ۋاقىتتا نىساندا تەمىربەتون قاڭقاسىن مونتاجداۋ، قابىرعالاردى تۇرعىزۋ جانە ىشكى ينجەنەرلىك كوممۋنيكاسيا ورناتۋ جۇمىستارى اياقتالىپ قالدى. كەشەن ءارتۇرلى قاباتتاعى جانە فۋنكسيونالدىق ماقساتتاعى ءۇش بلوكتان تۇرادى. بارلىق عيمارات زاماناۋي ماتەريالداردى قولدانا وتىرىپ، ءبىرىڭعاي ساۋلەتتىك ستيلدە جاسالىپ جاتىر.
جۇمىس ساپارىنىڭ سوڭىندا اۆتورلىق جانە تەحنيكالىق قاداعالاۋ قىزمەتىنە قۇرىلىس جۇمىستارىنىڭ ورىندالۋىنا، پايدالانىلاتىن ماتەريالداردىڭ ساپاسىنا جانە جوبالىق شەشىمدەردىڭ ساقتالۋىنا باقىلاۋدى كۇشەيتۋ تاپسىرىلدى. قۇرىلىس الاڭدارىنداعى قاۋىپسىزدىك ماسەلەسىنە جانە بارلىق نورماتيۆتىك تالاپتىڭ ساقتالۋىنا ەرەكشە نازار اۋدارۋ كەرەكتىگى مىندەتتەلدى.