الماتىنىڭ ناۋرىزباي اۋدانىندا نەگىزگى الەۋمەتتىك نىساندار سالىنىپ جاتىر، - دەپ حابارلايدى aqshamnews.kz.
الماتى اكىمىنىڭ ورىنباسارى بەيبىت شاحانوۆ جۇمىس ساپارى اياسىندا قالاداعى ناۋرىزباي اۋدانىندا سالىنىپ جانە قايتا جاڭارتىلىپ جاتقان ءبىرقاتار الەۋمەتتىك نىساننىڭ قۇرىلىس بارىسىن تەكسەردى.
اتاپ ايتقاندا، №7 قالالىق كلينيكالىق اۋرۋحانانى قايتا جاڭعىرتۋ جۇمىستارى قىزعان. مەديسينالىق مەكەمە كورسەتىلەتىن قىزمەت كولەمىن قىسقارتپاي، ۇزدىكسىز جۇمىس ىستەپ تۇر. قازىرگى تاڭدا جاڭعىرتىلۋعا ءتيىس التى بلوكتىڭ ۇشەۋىندە نەگىزگى كوتەرگىش قۇرىلىمداردى سەيسميكالىق تۇرعىدان كۇشەيتۋ جۇمىستارى قولعا الىنعان. جوبا اياسىندا ينجەنەرلىك كوممۋنيكاسيالار، قاسبەت جانە جەلدەتۋ جۇيەلەرى تولىق اۋىستىرىلىپ، اۋرۋحانانىڭ پايدالى الاڭى 2،5 مىڭ شارشى مەترگە ۇلعايتىلادى. سونداي-اق، بولىمشەلەر فۋنكسيونالدىق تۇرعىدان قايتا جوسپارلانىپ، زاماناۋي مەديسينالىق قۇرال-جابدىقتارمەن تولىقتىرىلادى.
جۇمىس ساپارى بارىسىندا قالا اكىمىنىڭ ورىنباسارى شۇعىلا شاعىناۋدانىندا سالىنىپ جاتقان ءبىر اۋىسىمدا 500 ادام قابىلدايتىن جاڭا ەمحانانىڭ قۇرىلىس الاڭىنا دا باردى. ەرەسەكتەر مەن بالالارعا قىزمەت كورسەتۋگە ارنالعان مەديسينالىق نىسان وتكەل گالەرەيالارى ارقىلى جالعاسقان ءۇش قاباتتى ءتورت بلوكتان تۇرادى. قازىرگى ۋاقىتتا ىرگەتاس قۇيۋ جانە ءار بلوكتىڭ قابىرعاسىن بەتونداۋ جۇمىستارى جۇرگىزىلىپ جاتىر. قۇرىلىس جۇمىستارى بيىل شىلدە ايىندا اياقتالماق.
سونداي-اق، وسى شاعىناۋداندا سالىنىپ جاتقان ەكىنشى تيپتەگى ءورت ءسوندىرۋ دەپوسىنىڭ قۇرىلىسىنا باسا نازار اۋدارىلدى. نىسان شامامەن 90 مىڭ تۇرعىن مەن 400-گە جۋىق نىساننىڭ ءورت قاۋىپسىزدىگىن قامتاماسىز ەتۋگە ارنالعان. قازىرگى تاڭدا شاتىر مەن قاسبەتتى ارلەۋ، قىزمەتتىك تۇرعىن ءۇيدىڭ ىشكى قۇرىلىس جانە ينجەنەرلىك جۇمىستارى جالعاسىپ كەلەدى. اكىمشىلىك عيماراتتا جوعارعى قاباتتى سالۋ مەن ىشكى بولىمدەردىڭ قۇرىلىسى ءجۇرىپ جاتىر. گاراج كەشەنىندەگى جۇمىستار دا بەكىتىلگەن كەستەگە ساي ورىندالىپ وتىر. بۇگىندە ورىندالعان جۇمىستاردىڭ جالپى كولەمى 35 پايىز. قۇرىلىستى وسى جىلدىڭ تامىز ايىنا اياقتاۋ جوسپارلانعان.
سونىمەن قاتار جۇمىس ساپارى بارىسىندا شۇعىلا شاعىناۋدانىندا سالىنىپ جاتقان 340 ورىندىق جاتاقحاناسى بار مەكتەپتىڭ قۇرىلىسى دا تەكسەرىلدى. نىساننىڭ جالپى دايىندىعى 92 پايىز بولعانىمەن، بەكىتىلگەن كەستەدەن ءۇش ايدان استام ۋاقىتقا كەشىگۋ بايقالادى. قالا اكىمىنىڭ ورىنباسارى مەردىگەر ۇيىمعا قوسىمشا جۇمىس كۇشىن تارتۋ، اۋماقتى كورىكتەندىرۋ جۇمىستارىن جەدەلدەتۋ جانە تەحنولوگيالىق جابدىقتاردى جەتكىزۋدى تەزدەتۋ جونىندە تاپسىرما بەردى.
بەيبىت شاحانوۆ بارلىق الەۋمەتتىك نىسان بەلگىلەنگەن مەرزىمدە ءارى ساپالى اياقتالۋعا ءتيىس ەكەنىن اتادى. ويتكەنى بۇل نىساندار قالا تۇرعىندارىنىڭ جايلىلىعى مەن قاۋىپسىزدىگىنە تىكەلەي اسەر ەتەدى.