الماتى اكىمىنىڭ بۇرىنعى ورىنباسارى ەرجان باباقۇماروۆ قازا تاپتى، - دەپ حابارلايدى aqshamnews.kz ءتىلشىسى Kazinform اگەنتتىگىنە سىلتەمە جاساپ.
الدىن الا مالىمەتتەر بويىنشا، ءولىم سەبەبى - سوققىعا جىعىلۋ. كۇدىكتى ۇستالدى.
قايعىلى وقيعا 30 قازانعا قاراعان ءتۇنى بولعان. الدىن الا اقپاراتقا سايكەس، ەرجان باباقۇماروۆ تانىستارىمەن بىرگە كەش وتكىزگەن. الايدا وتىرىس كەزىندە ولاردىڭ اراسىندا جانجال تۋىپ، توبەلەسكە ۇلاسقان. سالدارىنان باباقۇماروۆ العان جاراقاتتارىنان كوز جۇمعان.
باسىلىم مالىمەتىنشە، كۇدىكتى ۇستالىپ، ۋاقىتشا ۇستاۋ يزولياتورىنا قاماۋعا الىنعان.
پوليسيا بۇل اقپاراتتى راستادى.
"ادام ءولتىرۋ دەرەگى بويىنشا قىلمىستىق ءىس قوزعالدى. الدىن الا مالىمەتتەرگە سايكەس، بۇرىننان تانىس ەر ادامدار سوزگە كەلىپ، جانجال توبەلەسكە ۇلاسقان. سالدارىنان 56 جاستاعى ەر ادام العان جاراقاتتارىنان كوز جۇمعان. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. ءقازىر سوتالدى تەرگەۋ ءجۇرىپ جاتىر"، - دەپ حابارلادى پوليسيا.
ەرجان باباقۇماروۆ 2019 جىلعى شىلدەدەن 2022 جىلعى اقپانعا دەيىن الماتى قالاسى اكىمىنىڭ ورىنباسارى قىزمەتىن اتقارعان. سونداي-اق، ول ورتالىق كوممۋنيكاسيالار قىزمەتىن باسقارعان جانە پرەمەر-مينيستر كەڭسەسىندە جۇمىس ىستەگەن. ءار جىلدارى پرەزيدەنتتىڭ كەڭەسشىسى جانە مادەنيەت پەن اقپارات ۆيسە-مينيسترى بولعان.