الماتى اكىمى ەربولات دوسايەۆ بوستاندىق اۋدانىنا جۇمىس ساپارى بارىسىندا توتەنشە جاعدايلار مينيسترلىگىنىڭ سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعىنىڭ عيماراتىنا بارىپ، مەكەمەنىڭ ماتەريالدىق-تەحنيكالىق بازاسىمەن تانىستى، پروبلەمالىق ماسەلەلەردى تىڭدادى، دەپ حابارلايدى اlmaty-akshamy.kz. 
ورتالىق قىزمەتىنىڭ نەگىزگى باعىتى - بۇكىل ەل اۋماعىنىڭ سەيسميكالىق قاۋىپتىلىگىن باعالاۋ جانە سەيسمولوگيالىق مونيتورينگ جۇرگىزۋ. عىلىمي ورتالىقتىڭ ديرەكتورى داۋلەت سارسەنبايەۆ 1986 جىلى سالىنعان ورتالىق عيماراتىندا ەشقاشان كۇردەلى جوندەۋ جۇرگىزىلمەگەنىن، جابدىقتاردىڭ باسىم بولىگى ەسكىرگەنىن، سونداي-اق كادرلار تاپشىلىعىن تۇرعانىن اتاپ ءوتتى. مەگاپوليس اكىمى قالادا سەيسميكالىق قاۋىپسىزدىكتى ارتتىرۋ ماقساتىندا توتەنشە جاعدايلاردىڭ الدىن الۋدىڭ زاماناۋي تەحنولوگيالارىن قولدانا وتىرىپ، ازاماتتىق قورعاۋدىڭ بارلىق قۇرىلىمدارىنىڭ ءوزارا ءىس-قيمىلى كۇشەيتىلەتىنىن اتاپ ءوتتى.
«ءبىز عيماراتتى قالا بيۋدجەتى ەسەبىنەن جوندەۋ تۋرالى شەشىم قابىلدادىق. سونداي-اق عىلىمي زەرتتەۋلەرگە شامامەن 2 ملرد.تەڭگە بولىنەدى، بۇل ەڭبەكاقى تولەۋ قورىن ۇلعايتۋعا، شەتەلدىك ارىپتەستەرمەن تاجىريبە الماسۋعا، جاڭا كادرلار تارتۋعا مۇمكىندىك بەرەدى. بۇل ورتالىق قالا ءۇشىن عانا ەمەس، بۇكىل ەل ءۇشىن وتە ماڭىزدى، سوندىقتان ول الەمدىك ستاندارتتارعا ساي بولۋى ءتيىس»، - دەدى ەربولات دوسايەۆ.
قازىرگى ۋاقىتتا سەيسمولوگيالىق باقىلاۋلاردىڭ رەسپۋبليكالىق جەلىسى (رسسن) قازاقستاننىڭ 12 وبلىسىندا جانە الماتى قالاسىندا ورنالاسقان 70 سەيسميكالىق ستانسيا مەن باقىلاۋ پۋنكتتەرىنەن تۇرادى.
ستانسيالاردا 160 ءتۇرلى ولشەم بويىنشا سەيسميكالىق، گەوفيزيكالىق، گيدروگەولوگيالىق، باقىلاۋلار جۇرگىزىلەدى. سەزىلەتىن جەر سىلكىنىسى جاعدايىندا كەزەكشىلەر جەدەل رەجيمدە ونىڭ پارامەترلەرىن انىقتايدى: سىلكىنىس ۋاقىتى، ەپيسەنتردىڭ كوورديناتتارى، جەر سىلكىنىسىنىڭ كلاسى نەمەسە ونىڭ ماگنيتۋداسى.
انىقتاما ءۇشىن عىلىمي ورتالىق ورنالاسقان عيمارات 1986 جىلى سالىنعان. ايتا كەتەرلىگى، ورتالىق ق ر تجم «سەيسمولوگيا ينستيتۋتى» ج ش س مەن ق ر تجم «سەيسمولوگيالىق تاجىريبەلىك-ادىستەمەلىك ەكسپەديسيا» ءجشس-نى بىرىكتىرۋ جولىمەن قايتا قۇرۋ ناتيجەسىندە قۇرىلدى.