قازاقستاننىڭ بەلارۋستەگى ەلشىسى تيمۋر جاقسىلىقوۆ بەلارۋس رەسپۋبليكاسىنىڭ پرەزيدەنتى الەكساندر لۋكاشەنكوعا سەنىم گراموتالارىن تابىس ەتتى.
پرەزيدەنتتىك تاۋەلسىزدىك سارايىندا وتكەن سالتاناتتى ءراسىم بارىسىندا ا. لۋكاشەنكو قازاقستان بەلارۋس ءۇشىن ماڭىزدى، ۋاقىتپەن تەكسەرىلگەن دوس، ستراتەگيالىق سەرىكتەس جانە وداقتاس ەكەنىن مالىمدەدى، دەپ حابارلايدى aqshamnews.kz سىرتقى ىستەر مينيسترلىگىنە سىلتەمە جاساپ.
بەلارۋس باسشىسىنىڭ ايتۋىنشا، ىنتىماقتاستىقتىڭ جوعارى ديناميكاسى جىل سايىنعى ميللياردتاعان تاۋار اينالىمى مەن ونەركاسىپتىك كووپەراسياداعى تابىستى جوبالاردان كورىنەدى.
ا. لۋكاشەنكو قازاقستان رەسپۋبليكاسىنىڭ پرەزيدەنتى قاسىم-جومارت توقايەۆقا قازاقستاننىڭ شانحاي ىنتىماقتاستىق ۇيىمىنا ءتوراعالىق ەتۋى بارىسىندا بەلارۋسكە كورسەتكەن جان-جاقتى قولداۋى ءۇشىن العىسىن ءبىلدىردى.
سالتاناتتى ءراسىم سوڭىندا بەلارۋس كوشباسشىسى قازاقستان پرەزيدەنتىنە سالەمدەسۋ سوزدەرىن جولداپ، ەلشىگە قازاقستان-بەلارۋس ىنتىماقتاستىعىن نىعايتۋ ءۇشىن تابىستى جانە جەمىستى جۇمىس تىلەدى.