الماتى اكىمى ەربولات دوسايەۆتىڭ حالىقپەن كەزەكتى كەزدەسۋى ناۋرىزباي اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان كەلىپ تۇسكەن ۇسىنىستار بويىنشا اتقارىلعان جۇمىستار تۋرالى ايتتى. كەزدەسۋگە 250-دەن استام ادام كەلدى دەپ حابارلايدى، اlmaty-akshamy.kz.
قالا اكىمى ەربولات دوسايەۆ اتاپ وتكەندەي، اۋداننىڭ نەگىزگى وزەكتى ماسەلەسى حالىقتى سۋمەن قامتاماسىز ەتۋ بولىپ قالا بەرەدى. جاعدايدى شەشۋ ءۇشىن «قارعالى» جانە «اقساي» ەكى سۋ قويمالارىنىڭ قۇرىلىسى جۇرگىزىلۋدە.
«قارعالى» بويىنشا جۇمىستار 80%-عا اياقتالدى. اكىمنىڭ ايتۋىنشا، ىلە-الاتاۋ ۇلتتىق پاركى اۋماعىندا قوسىمشا رۇقسات قۇجاتتاردى الۋ قاجەتتىلىگىنە بايلانىستى قۇرىلىس ۋاقىتشا توقتاتىلدى. بۇگىندە جۇمىستار قايتا جانداندى. سۋ تارتۋدى تاپسىرۋدىڭ جوسپارلانعان مەرزىمى 2023 جىلدىڭ 3 توقسانى.
«اقساي» سۋ قويماسى بويىنشا كونكۋرستىق راسىمدەر اياقتالدى، قۇرىلىس-مونتاج جۇمىستارىنا قارجى ءبولىندى، مەردىگەرلىك ۇيىم انىقتالدى، قۇرىلىس جۇرگىزىلۋدە. پايدالانۋعا بەرۋدىڭ جوسپارلانعان مەرزىمى 2025 جىلدىڭ 3 توقسانى. جازعى ۋاقىتتا، «اقساي» جوباسىن ىسكە اسىرۋ كەزەڭىندە سورعى ستانسيالارى بار ماگيسترالدىق سۋ تارتقىشى سالىناتىن بولادى، ول الماتى جەر استى سۋلارىنان تولىعادى.
جول ينفراقۇرىلىمىنىڭ ساپاسىن ارتتىرۋ ماقساتىندا "تاۋسامالى"، "تاستىبۇلاق" شاعىناۋداندارىندا ۇزىندىعى 10 كم 6 كوشەگە ورتاشا جوندەۋ جۇرگىزىلدى. جىل سوڭىنا دەيىن اۋداندا ۇزىندىعى 49 شاقىرىم بولاتىن 50 كوشەنى جوندەۋ جۇمىستارى جوسپارلانعان.
قالا اكىمى اتاپ وتكەندەي، جاۋىن-شاشىن كەزىندە سۋ باسۋ ماسەلەسى اۋداندا ەرەكشە وزەكتى ماسەلە بولىپ قالۋدا. اۋدان بويىنشا تۇراقتى سۋ باسۋدىڭ 6 ۋچاسكەسى انىقتالدى. ماسەلەنى تولىق شەشۋ ءۇشىن، تج جەلىسى بويىنشا جىل سوڭىنا دەيىن ويجايلاۋ وزەنىنىڭ ارناسى نىعايتىلادى، رايىمبەك داڭعىلى بويىمەن اقساي وزەنىنە دەيىن بۇرۋ كانالى جايلاستىرىلادى، ۇزىندىعى 800 مەتر ارىق جەلىسى سالىندى.
وقۋشى ورىندارىنىڭ تاپشىلىعىن تومەندەتۋ ماقساتىندا اۋداندا 2022 جىلدىڭ 1 قىركۇيەگىنە قاراي 2 400 ورىندىق 2 مەكتەپ اشۋ جوسپارلانعان. جىل سوڭىنا دەيىن 2700 ورىندىق تاعى 2 مەكتەپتىڭ قۇرىلىسى اياقتالادى. سونىمەن قاتار، "شۇعىلا" شاعىناۋدانىندا 2023 جىلدىڭ 3 توقسانىنا 1200 ورىندىق ەكى مەكتەپتى تاپسىرۋ جوسپارلانعان. "قۇرامىس" شاعىناۋدانىندا 2800 ورىندىق مەكتەپتەر سالىنادى.
مەكتەپكە دەيىنگى ورىندار تاپشىلىعى ماسەلەسىن شەشۋ ءۇشىن اعىمداعى جىلى "شۇعىلا" شاعىناۋدانىندا 320 ورىندىق بالاباقشا قۇرىلىسى باستالدى. اياقتالۋ مەرزىمى 2023 جىلدىڭ 2 توقسانى. سونىمەن قاتار، 800 ورىندىق 3 بالاباقشا بويىنشا جسق ازىرلەۋگە قۇجاتتاما دايىندالۋدا.
مەگاپوليس اكىمىنىڭ ايتۋىنشا، اۋداندا ەمحانالاردىڭ شامادان تىس جۇكتەلۋى ماسەلەسى وتكىر تۇر. بۇل ماسەلەنى شەشۋ ءۇشىن 500 كەلۋشىگە ارنالعان 2 جاڭا ەمحانا مەن دارىگەرلىك امبۋلاتوريا سالۋ جوسپارلانۋدا.
«حالىق قاتىساتىن بيۋدجەت» جوباسى اياسىندا اعىمداعى جىلى قارجىلاندىرۋ كولەمى 600 ملن تەڭگەگە، ياعني 1 ملرد 800 ملن تەڭگەگە دەيىن ۇلعايتىلدى. 47 جوبا ىرىكتەلىپ الىندى، ونىڭ 20-سى اياقتالدى. اتالعان جوبالار اياسىندا بالالار، workout الاڭدارى، سپورت ايماقتارى، جاياۋ جۇرگىنشىلەر مەن ساياباق ايماقتارىن اباتتاندىرۋ قاراستىرىلعان.
الماتى اكىمىمەن كەزدەسۋ بارىسىندا تۇرعىندار جولداردى، كارىز جانە ەلەكتر جەلىلەرىن جوندەۋ، اباتتاندىرۋ جانە ت.ب. ماسەلەلەردى كوتەردى.
مەملەكەت باسشىسى قاسىم-جومارت توقايەۆتىڭ جارلىعىمەن بەكىتىلگەن حالىقپەن كەزدەسۋلەردىڭ جاڭا فورماتىنا سايكەس جىل سوڭىنا دەيىن ەربولات دوسايەۆ حالىقپەن 24 كەزدەسۋ وتكىزەدى – توقسانىنا 8 اۋداننىڭ تۇرعىندارىمەن ءبىر-بىر كەزدەسۋ.