الماتىدا اباي اتىنداعى مەملەكەتتىك اكادەميالىق وپەرا جانە بالەت تەاترىندا قالا باسشىسى ەربولات دوسايەۆتىڭ قاتىسۋىمەن مەديسينا قىزمەتكەرى كۇنىنە ارنالعان سالتاناتتى جيىن ءوتتى. ءىس-شارا بارىسىندا دەنساۋلىق ساقتاۋ سالاسىنىڭ قىزمەتكەرلەرىنە قۇرمەت كورسەتىلدى.
مەرەكەگە وراي الماتى قالاسىنىڭ دەنساۋلىق ساقتاۋ سالاسىنىڭ ارداگەرلەرى مەن قىزمەتكەرلەرى ءتۇرلى ناگرادالار – دەنساۋلىق ساقتاۋ مينيسترلىگىنىڭ «ەڭبەك ارداگەرى» بەلگىسىمەن، «قازاقستان رەسپۋبليكاسىنىڭ دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسىمەن، «قازاقستان رەسپۋبليكاسىنىڭ دەنساۋلىق ءىسىنىڭ ۇزدىگى» توسبەلگىسىمەن جانە قالا اكىمنىڭ اتىنان العىس حاتتارمەن ماراپاتتالدى.
ەربولات دوسايەۆ دارىگەرلەردى كاسىبي مەرەكەلەرىمەن قۇتتىقتاپ، حالىقتىڭ دەنساۋلىعىن قامتاماسىز ەتۋ جانە ازاماتتاردىڭ ءومىرىن ساقتاپ قالۋ جولىنداعى جانقيارلىق ەڭبەكتەرى ءۇشىن العىسىن ءبىلدىردى. بۇل مەرەكە مەديسينا قىزمەتكەرى ەڭبەگىنىڭ قانشالىقتى باعا جەتپەس جانە ماڭىزدى ەكەنىن ەسكە سالادى دەپ اتاپ ءوتتى.
ءسوزىنىڭ بارىسىندا الماتى اكىمى قازىرگى ۋاقىتتا دەنساۋلىق ساقتاۋ جۇيەسىن جاڭعىرتۋدىڭ 2030 جىلعا دەيىنگى كەشەندى باعدارلاماسىن ازىرلەۋ بويىنشا جۇمىس جۇرگىزىلىپ جاتقانىن، ول ءبىرىنشى كەزەكتە العاشقى مەديسينالىق-سانيتارلىق كومەكتىڭ تيىمدىلىگى مەن قولجەتىمدىلىگىن ارتتىرۋعا، ينفراقۇرىلىمدى جاڭعىرتۋعا جانە جاڭا مەديسينالىق قىزمەتتەردى ەنگىزۋگە باعىتتالاتىنىن جانە كوپسالالى اۋرۋحانالار مەن تاعى باسقالارىندا جاڭا تەحنولوگيالاردى ەنگىزۋگە باعىتتالعانىن ايتتى.
جالپى، بيىلعى جىلى الماتى قالاسىنىڭ دەنساۋلىق ساقتاۋ جۇيەسىنە جەرگىلىكتى بيۋدجەتتەن تارتىلاتىن ينۆەستيسيانىڭ جالپى كولەمى شامامەن 35 ميلليارد تەڭگەنى قۇرايدى. جالپى بۇگىندە قالانىڭ دەنساۋلىق ساقتاۋ جۇيەسىندە 182 مەديسينالىق ۇيىم بار، وندا 38 مىڭنان استام مامان جۇمىس ىستەيدى.