بۇگىن، 19 ماۋسىمدا فۋتبولدان پرەمەر-ليگا كوماندالارى اراسىنداعى قازاقستان بىرىنشىلىگىنىڭ ون ءتورتىنشى تۋرى وتەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ون ءتورتىنشى تۋر ويىندارىنىڭ بارلىعى ءبىر كۇنگە بەلگىلەنگەن. ماماندار اتالعان تۋرداعى باستى ويىن رەتىندە قوستانايدىڭ «توبىل» جانە اقتاۋدىڭ «كاسپيي» كوماندالارى اراسىنداعى كەزدەسۋدى اتايدى. وتكەن جىلعى ەل چەمپيونى - «توبىل» ءقازىر تۋرنير كەستەسىندە بەسىنشى ورىندا تۇرسا، اقتاۋلىق كلۋب كوش باسىندا كەلەدى.
اتالعان كەزدەسۋ ەلوردا ۋاقىتىمەن 21:00-دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
سونداي-اق، ون ءتورتىنشى تۋردا «شاحتەر» (قاراعاندى) مەن «قىزىلجار» (پەتروپاۆل)، «ورداباسى» (شىمكەنت) مەن «تاراز»، «قايرات» (الماتى) پەن «ماقتارال» (تۇركىستان وبلىسى)، «اتىراۋ» مەن «اقتوبە»، «تۇران» (تۇركىستان) مەن «اقجايىق» (ورال)، «استانا» (نۇر-سۇلتان) مەن «اقسۋ» (پاۆلودار وبلىسى) كلۋبتارى كەزدەسەدى.
ەسكە سالساق، بۇدان بۇرىن قازاقستاندىق كلۋبتاردىڭ UEFA ليگاسىنداعى قارسىلاستارى انىقتالدى.