پاريجدە قازاقستان مەن فرانسيا اراسىنداعى ديپلوماتيالىق قارىم-قاتىناستىڭ 30 جىلدىعىنا وراي، ەكى ەلدىڭ ىسكەر توپتارىنىڭ كەزدەسۋى ءوتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
تاراپتار ەو-عا باراتىن قازاقستان ازاماتتارى ءۇشىن ۆيزالىق رەجيمدى جەڭىلدەتۋ ماسەلەسىن قاراستىردى. ەلىمىز بەن ەو اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى تولىق ىسكە اسىرۋعا ۋاعدالاستى. سونداي-اق، تاراپتار ۋكرايناداعى قاقتىعىس پەن اۋعانستانداعى جاعداي بويىنشا پىكىر الماستى. ەكى ەل اراسىنداعى ەكونوميكالىق دامۋ پەرسپەكتيۆالارى دا تالقىلاندى.
بۇگىنگى تاڭدا قازاقستاندا 170-تەن استام فرانسۋزدىق كومپانيا جۇمىس ىستەيدى. كەيىنگى 16 جىلدا فرانسيادان ەلىمىزگە باعىتتالعان تىكەلەي ينۆەستيسيا كولەمى 17 ملرد دوللارعا جەتكەن. فرانسيانىڭ سىرتقى ىستەر مينيسترلىگى كونتينەنتالدى ەۋروپا دەپارتامەنتىنىڭ ديرەكتورى فرەدەريك موندولوني ەلىمىز ورتا ازياداعى نەگىزگى جانە سەنىمدى سەرىكتەسى ەكەنىن اتاپ ءوتتى. سونىمەن قاتار، ول ىنتىماقتاستىقتى ودان ءارى نىعايتۋ ءۇشىن ەكى مەملەكەت باسشىلارىنىڭ كەزدەسۋى ۇيىمداستىرىلاتىنىن جەتكىزدى.
جيىنعا قاتىسقان ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو بولسا ەلىمىزدە وتكەن رەفەرەندۋم ناتيجەلەرىنە توقتالدى.
«5 ماۋسىمدا وتكەن رەفەرەندۋم – بۇل رەفورمالارىمىزدىڭ باستاپقى كەزەڭى. ەلدى جاھاندىق جاڭعىرتۋ جالعاسادى. جۇرگىزىلىپ جاتقان تەرەڭ ينستيتۋسيونالدىق وزگەرىستەر قازاق حالقىنىڭ ارمانىنا ساي كەلەدى»، - دەدى ول.