الماتى قالاسىنىڭ اكىمى دارحان ساتىبالدى جۇمىس ساپارى بارىسىندا جەتىسۋ اۋدانىنداعى ونەركاسىپ كاسىپورىندارىن ارالاپ، ولاردىڭ وندىرىستىك قۋاتىمەن جانە دامۋ جوسپارىمەن تانىستى.
العاشقى نىسان – «كازلەگپروم-الماتى» ج ش س تىگىن جانە اياقكيىم فابريكاسى بولدى. كاسىپورىن 1 گەكتار اۋماقتا ورنالاسقان، وندىرىستىك عيماراتتارىنىڭ جالپى اۋدانى 12 مىڭ شارشى مەتردەن اسادى. جوبالىق قۋاتى جىلىنا 1 ملن جۇپ اياقكيىم مەن 1،5 ملن دانا تىگىن بۇيىمىن شىعارۋعا مۇمكىندىك بەرەدى. قازىرگى تاڭدا فابريكا كۇنىنە 1500 جۇپ اياقكيىم وندىرەدى.
فابريكا بۇگىندە ەلىمىزدىڭ جەڭىل ونەركاسىپ سالاسىنداعى جەتەكشى كاسىپورىنداردىڭ ءبىرى سانالادى. زاماناۋي قۇرال-جابدىقپەن قامتاماسىز ەتىلىپ، جاڭا تەحنولوگيالار ەنگىزىلۋدە. ونىمدەر ست-KZ ستاندارتى بويىنشا سەرتيفيكاتتالىپ، قازاقستاندىق قامتۋ ۇلەسى 52%-دان 93%-عا دەيىن جەتەدى. كاسىپورىن ارنايى جۇمىس كيىمدەرىن، اسكەري فورمانى، ەرلەر مەن وقۋشىلارعا ارنالعان كيىمدەر مەن اياقكيىم تۇرلەرىن شىعارادى. ءىستىڭ باستاۋىندا نەبارى 30 ادام ەڭبەك ەتسە، بۇگىندە قىزمەتكەرلەر سانى 650-گە جەتكەن. ونىڭ ىشىندە 50-دەن استامى – ەرەكشە قاجەتتىلىكتەرى بار ازاماتتار.
قالا اكىمى دارحان ساتىبالدىنىڭ ايتۋىنشا، الماتى ءۇشىن جۇمىسشى ماماندىقتارىن دامىتۋ مەن قالا تۇرعىندارىنا تۇراقتى ەڭبەك ورىندارىن اشۋ – باستى مىندەتتەردىڭ ءبىرى.
كەيىن قالا اكىمى «Karina Paper» جانە «PAPIRONE» ج ش س كاسىپورىندارىنىڭ جۇمىسىمەن تانىستى. بۇل كومپانيالار قازاقستان مەن ورتالىق ازياداعى قاعاز ونىمدەرىن شىعاراتىن ەڭ ءىرى وندىرۋشىلەردىڭ قاتارىندا، ولاردىڭ نارىقتاعى ۇلەسى 40–60%-دى قۇرايدى. بۇگىندە وندىرىستە 788 ادام ەڭبەك ەتەدى. 2024 جىلدىڭ قورىتىندىسى بويىنشا بيۋدجەتكە 4،9 ملرد تەڭگە سالىق تولەنسە، سوڭعى ءۇش جىلدا بۇل كورسەتكىش 12 ملرد تەڭگەدەن استى. وسى ارقىلى اتالعان كاسىپورىندار جەتىسۋ اۋدانىنداعى ەڭ ءىرى سالىق تولەۋشىلەردىڭ ءبىرى بولىپ وتىر.
2025 جىلدىڭ قازان ايىندا كومپانيا جالپى اۋماعى 43،5 مىڭ شارشى مەتر بولاتىن لوگيستيكالىق جانە قويما كەشەنىنىڭ قۇرىلىسىن باستايدى. جوبانىڭ قۇنى – 22 ملرد تەڭگە، ونىڭ ىشىندە 8،5 ملرد تەڭگەسى اكسيونەرلەردىڭ ءوز قاراجاتى. جوبا اياسىندا 260 جاڭا جۇمىس ورنى اشىلىپ، جىل سايىنعى سالىق ءتۇسىمى 1،3 ملرد تەڭگەگە دەيىن جەتكىزىلمەك.
سونىمەن قاتار، 2026 جىلدىڭ ناۋرىز ايىندا كاسىپورىندا قاعاز ونىمدەرىن شىعاراتىن ءتورتىنشى وندىرىستىك جەلىنىڭ قۇرىلىسى باستالادى. جوباعا سالىناتىن ينۆەستيسيا كولەمى – 5 ملرد تەڭگە. جاڭا قوندىرعىلار ءوندىرىس قۋاتىن ارتتىرىپ، ەكسپورت كولەمىن ۇلعايتۋعا جانە 100-دەن استام جاڭا جۇمىس ورنىن اشۋعا مۇمكىندىك بەرەدى.
ايتا كەتۋ كەرەك، الماتى كاسىپورىندارىنىڭ وندىرىستىك الەۋەتىن كەڭەيتۋ وتاندىق ءونىم شىعارۋ كولەمىن ارتتىرۋعا، يمپورتقا تاۋەلدىلىكتى ازايتۋعا، ەكسپورتتىق مۇمكىندىكتى نىعايتۋعا، بيۋدجەت كىرىسىن كوبەيتۋگە جانە قالانىڭ تۇراقتى دامۋىنا ىقپال ەتەدى.