الماتى اكىمى دارحان ساتىبالدى جۇمىس ساپارى اياسىندا قالاداعى ءىرى وندىرىستىك كاسىپورىنداردى – «Nobel افف» اق، «سايمان كورپوراسياسى» ج ش س جانە «ەۆرازيان فۋدس كورپورەيشن» اق زاۋىتتارىن ارالادى، - دەپ حابارلايدى اqshamnews.kz ءتىلشىسى.
«Nobel الماتى فارماسيەۆتيكالىق فابريكاسىندا» اكىم كومپانيانىڭ ونىمدەرىمەن جانە الماتى يندۋستريالدىق ايماعىندا سالىناتىن جاڭا جوعارى تەحنولوگيالىق دارى-دارمەك زاۋىتىنىڭ قۇرىلىس جوسپارىمەن تانىستى.
ونى 2027 جىلعا دەيىن سالۋ جوسپارلانعان. جوبا 2020 جىلدىڭ قىركۇيەگىندە ينۆەستوردىڭ ق ر دەنساۋلىق ساقتاۋ مينيسترلىگى جانە «سك-فارماسيا» جشس-مەن جاساعان مەموراندۋمى اياسىندا جۇزەگە اسىرىلادى.
جاڭا زاۋىتتا 5 وندىرىستىك سەح پەن 3 زەرتحانا ورنالاستىرۋ كوزدەلگەن. بۇدان بولەك، قويما، كەڭسە جانە اكىمشىلىك عيماراتتار، سونداي-اق ينجەنەرلىك-قوسالقى نىسان قاراستىرىلعان. قۇرىلىستى 2026 جىلى باستاۋ جوسپارلانىپ وتىر.
اكىم ينۆەستورعا بارلىق قاجەتتى قولداۋ كورسەتۋدى تاپسىردى. جاڭا زاۋىت ءونىم اسسورتيمەنتىن كەڭەيتۋگە، جوعارى تەحنولوگيالىق دارىلەردى وندىرۋگە جانە بارلىق ءوندىرىستى قالا سىرتىنا – يندۋستريالدىق ايماققا كوشىرۋگە مۇمكىندىك بەرەدى.
«سايمان كورپوراسياسىندا» دارحان ساتىبالدى ەسەپكە الۋ اسپاپتارى ءوندىرىسىنىڭ جوعارى دەڭگەيىن اتاپ ءوتتى. كاسىپورىندا 180 ادام ەڭبەك ەتەدى، ولاردىڭ باسىم بولىگى – جەرگىلىكتى جوو تۇلەكتەرى. كاسىپورىننىڭ جوبالىق قۋاتى – جىلىنا 800 مىڭ اسپاپ، ال جىل سايىنعى ناقتى ءوندىرىس كولەمى – 500 مىڭ دانا.
اكىم قالا كاسىپورىندارىندا قازاقستاندىق ەسەپكە الۋ اسپاپتارىن كەڭىنەن پايدالانۋ مۇمكىندىگىن قاراستىرۋدى تاپسىردى.
جۇمىس ساپارى بارىسىندا دارحان ساتىبالدى سونداي-اق «ەۆرازيان فۋدس كورپورەيشن» اق-دا بولدى. بۇل كاسىپورىننىڭ 60 جىلدان استام تاريحى بار جانە قازاقستان مەن ورتالىق ازياداعى تاعام ونەركاسىبىنىڭ ماڭىزدى نىساندارىنىڭ ءبىرى بولىپ تابىلادى.
مۇندا وسىمدىك مايى، مايونەز، كەچۋپ، قىشا، ءتۇرلى سوۋستار، قۇرعاق دامدەۋىشتەر، مارينادتار جانە كونديتەرلىك قوسپالار شىعارىلادى. كاسىپورىننىڭ جىلدىق قۋاتى – 132 مىڭ توننادان اسادى. قازىرگى ۋاقىتتا وندىرىستىك كەشەندە اۋقىمدى قايتا جاڭعىرتۋ جۇمىسى جۇرگىزىلۋدە.
جۇمىس ساپارىنىڭ قورىتىندىسى بويىنشا قالا اكىمى ونەركاسىپ سەكتورىن قولداۋعا جانە الماتىنىڭ وندىرىستىك الەۋەتىن دامىتۋعا باعىتتالعان ءبىرقاتار تاپسىرمالار بەردى.