الماتى اكىمى ەربولات دوسايەۆ الماتىلىق پراۆوسلاۆ حريستياندارىن روجدەستۆو مەرەكەسىمەن قۇتتىقتادى. قالا باسشىسى بۇل كۇننىڭ پراۆوسلاۆ حريستياندارى ءۇشىن ەڭ ماڭىزدى ءارى جارقىن كۇندەردىڭ ءبىرى ەكەنىن اتادى، دەپ حابارلايدى aqshamnews.kz
«تەرەڭ رۋحاني ماعىناعا تولى بۇل مەرەكە سۇيىسپەنشىلىكتى، مەيىرىمدىلىكتى جانە يگىلىكتىڭ سالتانات قۇرۋىنا دەگەن سەنىمدى بىلدىرەدى. قوعامداعى كەلىسىم مەن تاتۋلىقتىڭ ماڭىزدىلىعىن، ءوزارا قۇرمەت پەن ىنتىماقتى نىعايتۋدى ەسكە سالادى»، – دەلىنگەن قالا اكىمىنىڭ قۇتتىقتاۋىندا.
اكىم قازاقستاننىڭ پراۆوسلاۆ شىركەۋى كونفەسسياارالىق كەلىسىمدى دامىتۋعا جانە قوعامداعى رۋحاني قۇندىلىقتاردى نىعايتۋعا باعا جەتپەس ۇلەس قوسىپ كەلە جاتقانىن جەتكىزدى.
«بۇل جارقىن روجدەستۆو كۇندەرى بارلىق پراۆوسلاۆ حريستيانىنا شىن جۇرەكتەن شاتتىق، بەيبىتشىلىك جانە اماندىق تىلەيمىن»، – دەدى ەربولات دوسايەۆ.