سۋ رەسۋرستارى جانە يرريگاسيا مينيسترلىگىنىڭ اپپارات جينالىسىندا سۋ تاسقىنى كەزەڭىنە دايىندىق جۇمىستارى پىسىقتالدى.
بۇگىنگى تاڭدا ەلىمىزدەگى سۋ قويمالارىندا بوس ورىندار دايىندالىپ جاتىر، دەپ حابارلايدى aqshamnews.kz.
ماسەلەن، استانا سۋ قويماسىنداعى سۋ كولەمى 83%-عا دەيىن تومەندەتىلدى. 20-شى جەلتوقساننان بەرى 5،06 ملن تەكشە مەتر سۋ جىبەرىلدى. مينيسترلىك 2025 جىلعى 1 ساۋىرگە دەيىن قويماداعى سۋ كولەمىن 300 ملن تەكشە مەترگە نەمەسە 73%-عا دەيىن ازايتۋدى جوسپارلاپ وتىر.
اقتوبە سۋ قويماسىندا 51 ملن تەكشە مەترگە جۋىق سۋ بار. 1 ساۋىرگە دەيىن 47،32 ملن تەكشە مەترگە دەيىن ازايتۋ جوسپارلاپ وتىر. ال، باتىس قازاقستان وبلىسىنداعى بىتىك قويماسىنداعى سۋ كولەمى 34،45 ملن تەكشە مەترگە دەيىن ازايتىلدى. بۇگىنگى تاڭدا سۋ قويماسىنان سەكۋندىنا 8،3 تەكشە مەتر سۋ جىبەرىلىپ جاتىر.
شىعىس قازاقستان وبلىسىنداعى بۇقتىرما سۋ قويماسى 79% تولى. مينيسترلىك 1 ساۋىرگە دەيىن قويماداعى سۋ كولەمىن تاعى 8%-عا ازايتۋعا نيەتتى. قاراعاندى وبلىسىنداعى ىنتىماق سۋ قويماسىندا 69 ملن تەكشە مەتر سۋ بار. كوكتەمدە تاسقىن سۋىن قابىلداۋ ءۇشىن سۋ قويماسىن 39%-عا دەيىن بوساتۋ جوسپارلانىپ وتىر.
ۇلىتاۋ وبلىسىنداعى كەڭگىر قويماسىنداعى سۋ كولەمى 86%-عا ازايتىلدى. كوكتەمگە دەيىن تاعى 11%-عا جۋىق بوساتۋ جوسپاردا بار. قوستاناي وبلىسىنداعى جوعارعى توبىل سۋ قويماسىندا 585،4 ملن تەكشە مەتر سۋ بار. سۋ قويماسىنىڭ جۇمىس رەجيمىنە سايكەس 1 ساۋىرگە دەيىن سۋ كولەمىن 499،37 ملن تەكشە مەترگە نەمەسە 61%-عا دەيىن ازايتۋ كۇتىلۋدە.
«كوكتەمدە تاسقىن سۋىن قويمالارعا جيناپ قانا قويماي، كولدەر جۇيەسىنە، تابيعي جايىلىمدار مەن شابىندىقتارعا باعىتتاۋ وتە ماڭىزدى. سول سەبەپتى سۋدى ساۋاتتى ءبولۋ جۇمىسىن الدىن-الا جوسپارلاۋ قاجەت. بيىل شارۋالار مەن باسقا دا سۋ پايدالانۋشىلاردىڭ سۇرانىستارى تولىق قاناعاتتاندىرىلدى. وتكەن سۋارۋ كەزەڭىندە ەلىمىزدىڭ شارۋا قوجالىقتارىنا شامامەن 11 ملرد تەكشە مەتر سۋ بەرىلدى. بۇدان بولەك ۇلكەن جانە شاعىن سۋ ايدىندارىن ساقتاۋ جانە قالپىنا كەلتىرۋ بويىنشا ۇلكەن جۇمىس اتقارىلدى»،- دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.