كەزدەسۋ بارىسىندا تاراپتار قازاقستان مەن ەۋروپالىق وداق اراسىنداعى قارقىندى جانە دامىپ كەلە جاتقان ىنتىماقتاستىقتى اتاپ ءوتتى، دەپ حابارلايدى Almaty-akshamy.kz.
ەۋرووداق ءبىزدىڭ ەلىمىزدىڭ جاھاندىق ساۋدا-ەكونوميكالىق ارىپتەستەرىنىڭ ءبىرى بولىپ تابىلادى جانە قازاقستاننىڭ باستى ينۆەستورلارىنىڭ تىزىمىنە كىرەدى. تاۋار اينالىمى 2021 جىلى 28،9 ملرد اقش دوللارىن قۇرادى، بۇل 2020 جىلمەن سالىستىرعاندا 17،9%-عا جوعارى. الماتىدا ەو ەلدەرى كاپيتالىنىڭ قاتىسۋىمەن 713 بىرلەسكەن كاسىپورىن جانە 1699 (قازاقستانداعى 695 كومپانيادان) كومپانيا تىركەلگەن.
قالا باسشىسى ەۋروپالىق پارلامەنت دەلەگاسياسىنىڭ مۇشەلەرىن الماتى ەكونوميكاسىن قالپىنا كەلتىرۋ جۇمىستارى، قالانى الەۋمەتتىك-ەكونوميكالىق دامىتۋدىڭ الداعى جوسپارلارى تۋرالى حاباردار ەتتى.
سونداي-اق، كەزدەسۋ بارىسىندا ازاماتتىق قوعامداستىقپەن جانە ۇكىمەتتىك ەمەس ۇيىمدارمەن (ۇەۇ) ءوزارا ءىس-قيمىلدى جانداندىرۋ ماسەلەلەرى كوتەرىلدى، ولاردىڭ بۇگىندە قالادا 4 مىڭنان استامى بار (رەسپۋبليكا بويىنشا جالپى سانىنىڭ 20%-ى، قر-دا-19 مىڭنان استام).
كەزدەسۋ سوڭىندا تاراپتار ەكونوميكانىڭ باسىم باعىتتارى جانە ادام قۇقىقتارى مەن بوستاندىقتارىن قورعاۋ سالاسى بويىنشا ىنتىماقتاستىقتى جالعاستىرۋعا دايىن ەكەندىكتەرىن ءبىلدىردى.