كەزدەسۋ بارىسىندا تاراپتار ساۋدا-ەكونوميكالىق بايلانىستاردى تەرەڭدەتۋ بويىنشا بۇرىن قولجەتكەن ۋاعدالاستىقتاردى راستادى، دەپ حابارلايدى Almaty-akshamy.kz.
قالا باسشىسى اقش مەمدەپارتامەنتىنىڭ وكىلدەرىن الماتى ەكونوميكاسىن قالپىنا كەلتىرۋ بويىنشا اكىمدىكتىڭ جۇرگىزىپ جاتقان جۇمىستارى، قالانىڭ الەۋمەتتىك-ەكونوميكالىق دامۋىنىڭ الداعى جوسپارلارى تۋرالى حاباردار ەتتى.
بۇگىندە قالا ەكونوميكاسى بىرتىندەپ قالپىنا كەلتىرىلۋدە. وسى جىلدىڭ باسىنان بەرى ءۇش ايدىڭ قورىتىندىسى بويىنشا نەگىزگى كاپيتالعا (+19،8%)، ونەركاسىپكە (+11،5%)، قۇرىلىسقا (+38،6%) ينۆەستيسيالار كولەمىنىڭ ءوسۋى بايقالادى. الماتىدا جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 8،5%-عا ءوستى جانە 213 مىڭنان استى.
تاراپتار سونداي-اق ەكىجاقتى ىنتىماقتاستىقتىڭ وڭ قارقىنىن اتاپ ءوتتى. وتكەن جىلدىڭ قورىتىندىسى بويىنشا الماتى مەن اقش اراسىنداعى تاۋار اينالىمى 662،1 ملن اقش دوللارىن قۇرادى. قالادا 128 بىرلەسكەن كاسىپورىن جانە امەريكاندىق كومپانيالاردىڭ 399-ى (قازاقستانداعى 695ء-تىڭ) تىركەلگەن.
كەزدەسۋ بارىسىندا ازاماتتىق قوعامداستىقپەن، ۇكىمەتتىك ەمەس ۇيىمدارمەن ودان ءارى ىنتىماقتاستىق، ESG قاعيداتتارىن ەنگىزۋدى جانداندىرۋ جانە قالانى ينكليۋزيۆتى دامىتۋ ماسەلەلەرى تالقىلاندى.
كەلىسسوزدەر بارىسىندا امەريكالىق تاراپ الماتىداعى اقش باس كونسۋلدىعىنىڭ جاڭا عيماراتىن سالۋ نيەتىن راستادى