الماتى اكىمى ەربولات دوسايەۆتىڭ حالىقپەن كەزەكتى كەزدەسۋى بوستاندىق اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان كەلىپ تۇسكەن ۇسىنىستار بويىنشا اتقارىلعان جۇمىستار تۋرالى ايتتى. كەزدەسۋگە 300-دەن استام ادام كەلدى، دەپ حابارلايدى اlmaty-akshamy.kz
قالا اكىمى ەربولات دوسايەۆ اتاپ وتكەندەي، بوستاندىق اۋدانىنىڭ نەگىزگى پروبلەماسى جاپپاي جانە نۇكتەلى قۇرىلىس بولىپ قالۋدا. سوڭعى جىلدارى اۋداندا تۇرعىن ءۇي قۇرىلىسىنىڭ قارقىنى الەۋمەتتىك نىساندار قۇرىلىسىنان الدەقايدا اسىپ ءتۇستى. بۇگىندە بوستاندىق اۋدانىندا بەلسەندى قۇرىلىستىڭ 6 الاڭى بار.
ماسەلەنى جۇيەلى شەشۋ ءۇشىن ماۋسىم ايىندا قالا قۇرىلىسى رەگلامەنتىنە تولىقتىرۋلار ەنگىزىلدى. ناتيجەسىندە اباي داڭعىلىنان وڭتۇستىككە قاراي جانە ءال-فارابي داڭعىلىنان سولتۇستىككە قاراي 9 قاباتقا دەيىنگى تۇرعىن ۇيلەردىڭ قاباتتىلىعى شەكتەلىپ، الەۋمەتتىك نىساندار سالۋ بويىنشا مىندەتتى تالاپ ەنگىزىلدى. قۇرىلىستىڭ جاڭا ەرەجەلەرى بويىنشا جۇمىس باستالىپ كەتتى.
ەربولات دوسايەۆ اۋدان تۇرعىندارىن الاڭداتىپ وتىرعان قۇرىلىس جۇمىستارىن جەكە اتاپ ءوتتى.
«مەگا الما-اتا» سوسو اۋماعىنداعى تۇرعىنداردى الەۋمەتتىك نىساندارمەن قامتاماسىز ەتۋ ءۇشىن ساياباق ايماعى بار 500 كەلۋشىگە ارنالعان ەمحانا قۇرىلىسىنا جەر تەلىمى ساتىپ الىندى. ال-فارابي-گاگارين داڭعىلىندا 1000 ورىندىق مەكتەپ، ال-فارابي-رادوستوۆەس داڭعىلىندا 120 ورىندىق بالاباقشا سالۋ جوسپارلانۋدا. قۇرىلىس 2024 جىلى اياقتالادى.
اعىمداعى جىلدىڭ قازان ايىندا ادك اۋدانىندا «اكۆارەل» تك-دە ءارقايسىسى 150 ورىندىق 2 بالاباقشا اشىلادى. 2023 جىلدىڭ ەكىنشى جارتىسىندا 900 ورىندىق مەكتەپ، 180 ورىندىق بالاباقشا، پوليسيا پۋنكتى مەن سكۆەردىڭ قۇرىلىسى باستالادى. قىركۇيەكتە №65 مەكتەپ جانىنان 300 ورىندىق قوسالقى نىسان قۇرىلىسى باستالادى، اياقتالۋ مەرزىمى كەلەسى جىلدىڭ 1 قىركۇيەگىنە دەيىن.
№2 اۆتوپارك اۋدانىندا قۇرىلىس سالۋشى «BI group» ج ش س تۇرعىن ءۇي كەشەنى قۇرىلىسىنىڭ جوباسىن تۇزەتۋدە، ول 900 ورىندىق مەكتەپتى، 300 ورىندىق بالاباقشانى، 1،2 گا جاسىل ايماقتى قامتيتىن بولادى، بۇل رەتتە تۇرعىن ءۇي كەشەنىنىڭ قاباتتىلىعى 9 قاباتتان اسپايدى.
ساتبايەۆ-شاگابۋتدينوۆ اۋدانىندا بۇرىن وسى اۋماقتا 11 ءۇيى بار 2 تك قۇرىلىسى قاراستىرىلعان بولاتىن. بۇگىندە قۇرىلىس سالۋشى جوبانى قايتا قاراپ جاتىر. ۇيلەر سانىن 11-دەن 5-كە دەيىن قىسقارتۋ جوسپارلانۋدا. بوساتىلعان اۋماقتا اۋدانى 1 گا ساياباق، سكۆەر، تۇراق جانە اكىمشىلىك عيماراتتار بولادى.
اباي داڭعىلى بويىنشا الماتى قالاسىنىڭ قۇرىلۋىن قولداۋ اياسىندا قۇرىلىس سالۋشى اباي داڭعىلى بويىنداعى 20 لينيا-مىڭبايەۆ-كارىموۆ-اباي داڭعىلىنىڭ شارشى الاڭىندا شامامەن 60 سوتىق جەر ۋچاسكەسىن ساتىپ الۋ تۋرالى مەموراندۋمعا قول قويدى. بۇل اۋماقتا قۇرىلىس سالۋشىمەن بىرلەسىپ بالاباقشا، پرومەنادتىق ايماق، سپورتپەن اينالىسۋعا ارنالعان الاڭ، بالالار الاڭى، سكۆەر سالۋ جوسپارلانۋدا.
«رامس city» تك قۇرىلىس سالۋشى – بۇرىنعى جەمىس كونسەرۆى كومبيناتىنىڭ اۋدانى بويىنشا ۇيلەر سانىن 57-دەن 37-گە دەيىن ازايتۋ ءۇشىن جوبانى قايتا قارادى. بۇل رەتتە جوبا الەۋمەتتىك نىسانداردىڭ قۇرىلىسىمەن تولىقتىرىلدى: 1100 ورىندىق مەكتەپ، ۋچاسكەلىك پوليسيا پۋنكتى، ءارقايسىسى 120 ورىندىق 2 بالاباقشا. بۇدان باسقا، قۇرىلىس سالۋشى ۋچاسكەنىڭ سولتۇستىك جانە وڭتۇستىك جاعىنان اباتتاندىرۋ جانە كوگالداندىرۋ ءۇشىن شامامەن اۋدانى 1،3 گا جەر ۋچاسكەلەرىن الىپ قويۋ ءراسىمىن جۇرگىزەدى.
قالا باسشىسى تۇرعىنداردىڭ ءوتىنىشى بويىنشا يۋجنىي ساياباعىنداعى جەر تەلىمىن قايتارۋ جۇمىستارى جۇرگىزىلىپ جاتقانىن ايتتى. 19 ساۋىردە وسى ۋچاسكەنى قايتارىپ الۋ تۋرالى قاۋلى قابىلداندى، ءبىراق ونىڭ يەسى وتەماقى سوماسىمەن كەلىسپەيدى. سوندىقتان اكىمدىك ەكونوميكالىق سوتقا مەملەكەتتىڭ قاجەتتىلىگى ءۇشىن جەر ۋچاسكەسىن ماجبۇرلەپ الۋ تۋرالى تالاپ-ارىز بەردى. وڭ شەشىم قابىلدانعان جاعدايدا «يۋجنىي» ساياباعىنىڭ اۋماعى 2،8 گا ۇلعايادى.
اكىم تۇرعىنداردى الەۋمەتتىك ينفراقۇرىلىممەن قامتاماسىز ەتۋ جۇمىستارىنىڭ بارىسىمەن تانىستىردى. اۋدان مەكتەپتەرىندە وقۋشى ورىندارىنىڭ تاپشىلىعىن تومەندەتۋ ءۇشىن ماۋسىم ايىندا №146 ليسەي مەن №191 مەكتەپ جانىنان ءارقايسىسى 300 ورىننان 2 قوسىمشا قۇرىلىستار اياقتالدى. 1 قىركۇيەككە دەيىن 275 ورىندىق №125 مەكتەپكە قوسىمشا نىسان پايدالانۋعا بەرىلەدى. سونىمەن قاتار، الماتى اكىمدىگى «ادىلەت» كوللەدجىنىڭ يەلىگىندەگى 600 ورىندىق №94 مەكتەپ الاڭىنىڭ ءبىر بولىگىن ساتىپ الدى. وسى جىلدىڭ سوڭىنا دەيىن بالالار تولىققاندى مەكتەپتە وقۋعا كىرىسەدى.
ەربولات دوسايەۆ سونداي-اق ساپالى مەديسينالىق قىزمەت كورسەتۋدى قامتاماسىز ەتۋ ءۇشىن ءارقايسىسى 500 كەلۋشىگە ارنالعان 2 ەمحانا سالۋ جوسپارلانعانىن حابارلادى. ولاردى ەنگىزۋ قولدانىستاعى جۇكتەمەلەردى 30 مىڭ ادامعا ازايتادى.
ەربولات دوسايەۆ اتاپ وتكەندەي، بۇرىن وتكەن كەزدەسۋدە مۇمكىندىگى شەكتەۋلى ادامدار ءۇشىن جەرۇستى جاياۋ جۇرگىنشىلەر وتكەلىندە ليفتىلەر مەن پاندۋستاردىڭ قولجەتىمدىلىگى ماسەلەسى كوتەرىلگەن بولاتىن. كوكتەمدە جەر ءۇستى جانە جەر استى وتكەلدەرىن تەكسەرۋ بارىسىندا 2 اقاۋلى كوتەرگىش انىقتالدى. ليفتىلەر مەن كوتەرگىشتەردى اعىمداعى جوندەۋگە بيىل 6 ملن تەڭگە ءبولىندى. 1 قاراشاعا دەيىن قالپىنا كەلتىرۋ جۇمىستارى اياقتالادى. كوتەرگىشتەرگە قولجەتىمدىلىك ءۇشىن امبەباپ كىلتتەر جاسالدى، ولار بارلىق جۇگىنگەن ادامدارعا بەرىلەدى.
اكىم تۇرعىنداردى ينجەنەرلىك ينفراقۇرىلىم ماسەلەلەرى بويىنشا جۇمىس بارىسىمەن تانىستىردى. ءال-فارابيدىڭ وڭتۇستىگىندە، «ەرمەنساي» شاعىن اۋدانىندا تۇراتىن حالىقتى ساپالى اۋىز سۋمەن قامتاماسىز ەتۋ ءۇشىن تازارتۋ قۇرىلعىلارى سالىنادى. «نۇرلىتاۋ» شاعىناۋدانىندا سۋمەن جابدىقتاۋ جانە سۋ بۇرۋ بويىنشا جسق ازىرلەنۋدە. «نۇرلىتاۋ» بويىنشا جەلىلەردىڭ ءارقايسىسىنىڭ ۇزىندىعى 50 كم. بۇل اۋىز سۋمەن اۋداننىڭ 10 مىڭ تۇرعىنىن قامتاماسىز ەتەدى.
ەرعوجين، گاندي كۋوشەلەرىندە، "وربيتا-4" شاعىن اۋدانىندا ۇزىندىعى 1،6 كم جىلۋ جەلىلەرىن قايتا جاڭارتۋ جۇرگىزىلۋدە. بۇل 546 كوپ پاتەرلى تۇرعىن ۇيگە، 20 ءبىلىم بەرۋ وبەكتىسىنە جانە 12 دەنساۋلىق ساقتاۋ وبەكتىسىنە ۇزدىكسىز جىلۋ بەرۋدى قامتاماسىز ەتەدى.
تاعى ءبىر وزەكتى ماسەلە - جول ينفراقۇرىلىمىن دامىتۋ جانە اباتتاندىرۋ. العاشقى كەزدەسۋ كەزىندە تۇرعىندار اكىمگە اسقاروۆ جانە بيوكومبيناتسكايا كوشەلەرىنە جوندەۋ جۇمىستارىن جۇرگىزۋدى سۇرادى. بۇگىندە تاڭدا بۇل جۇمىستار ورىندالدى
سونىمەن قاتار، 65 كوشەنىڭ اعىمداعى جوندەۋ جۇمىستارى اياقتالىپ، جالپى اۋدانى 8 248 شارشى مەتر بولاتىن ءارى ۇزىندىعى 14،5 كم 17 كوشەدە ورتاشا جوندەۋ جۇمىستارى باستالدى، تامىز ايىنان باستاپ 4 كوشەنىڭ اسفالتىن اۋىستىرۋ جوسپارلانۋدا.
بيىل «حالىقتىڭ بيۋدجەتكە قاتىسۋى» جوباسى اياسىندا 800 ملن.تەڭگەگە 21 جوبا جۇزەگە اسىرىلۋدا. بۇگىندە 11 نىسان بويىنشا جۇمىستار باستالدى. بارلىق جوبالار 1 قاراشاعا دەيىن اياقتالادى. سونداي-اق، جىل سوڭىنا دەيىن 80 اۋلا اۋماعىنا كۇردەلى جوندەۋ جۇرگىزىلەدى
اۋدان بويىنشا 6 سۋ باسۋ ۋچاسكەسى انىقتالدى، ولار اعىمداعى جىلدىڭ سوڭىنا دەيىن تج جەلىسى بويىنشا جويىلاتىن بولادى، 2023 جىلدىڭ سوڭىنا دەيىن 60 كم ارىق جەلىلەرىن قايتا قۇرۋ جانە سالۋ جوسپارلانۋدا.
كەزدەسۋ بارىسىندا قالا اكىمى جول قوزعالىسى قاۋىپسىزدىگى - ەڭ ماڭىزدى جانە وزەكتى ماسەلەلەردىڭ ءبىرى ەكەنىن اتاپ ءوتتى. حالىقتىڭ قاۋىپسىزدىگىن قامتاماسىز ەتۋ ءۇشىن اۋداندا 99 «سەرگەك» كامەراسى، ادامدار كوپ جينالاتىن جەرلەردە الماتى قالاسى پد جبو-عا شىعارىلعان 110 بەينە مونيتورينگ جۇيەسى ورناتىلعان. جىل سوڭىنا دەيىن 40 بەينەباقىلاۋ كامەراسى ورناتىلادى.
الماتى اكىمىمەن كەزدەسۋ بارىسىندا تۇرعىندار جولداردى، كارىز جانە ەلەكتر جەلىلەرىن جوندەۋ، اباتتاندىرۋ جانە ت.ب. ماسەلەلەردى كوتەردى.
مەملەكەت باسشىسى قاسىم-جومارت توقايەۆتىڭ جارلىعىمەن بەكىتىلگەن حالىقپەن كەزدەسۋلەردىڭ جاڭا فورماتىنا سايكەس، جىل سوڭىنا دەيىن ەربولات دوسايەۆ 8 اۋداننىڭ تۇرعىندارىمەن توقسانىنا ءبىر-بىر كەزدەسۋدەن - بارلىعى 24 كەزدەسۋ وتكىزەدى.