الماتى اكىمى ەربولات دوسايەۆتىڭ حالىقپەن كەزەكتى كەزدەسۋى اۋەزوۆ اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان كەلىپ تۇسكەن ۇسىنىستار بويىنشا اتقارىلعان جۇمىستار تۋرالى ايتتى. كەزدەسۋگە 250-دەن استام ادام كەلدى، دەپ حابارلايدى اlmaty-akshamy.kz.
قالا اكىمى ەربولات دوسايەۆ اتاپ وتكەندەي، اۋداننىڭ نەگىزگى وزەكتى ماسەلەسى الەۋمەتتىك ينفراقۇرىلىممەن قامتاماسىز ەتۋ بولىپ تابىلادى.
2022 جىلعا 1 مەكتەپ اشۋ، 3 مەكتەپتى كەڭەيتۋ جانە 2 جاڭا مەكتەپتى جوبالاۋ جوسپارلانعان.
مەكتەپكە دەيىنگى مەكەمەلەردە ورىن تاپشىلىعىن ازايتۋ ءۇشىن اۋداندا 280 ورىندىق 2 مەملەكەتتىك بالاباقشا سالۋ جوسپارلانۋدا. "التىن بەسىك" شاعىناۋدانىنداعى 120 ورىندىق ءبىرىنشى بالاباقشانىڭ قۇرىلىس-مونتاج جۇمىستارى 2023 جىلدىڭ ءبىرىنشى توقسانىنا جوسپارلانعان. ەكىنشى بالاباقشا بويىنشا 10-شى شاعىناۋدانداعى 160 ورىندىق بالاباقشا ءۇشىن اعىمداعى جىلدىڭ 10 مامىرىندا قاراۋسىز قالعان بالاباقشا عيماراتى ساتىپ الىندى. قۇرىلىستى مەملەكەتتىك ساراپتامادان جانە قولدانىستاعى عيماراتتى بۇزعاننان كەيىن كەلەسى جىلى باستاۋ جوسپارلانۋدا.
ەربولات دوسايەۆتىڭ ايتۋىنشا، دەنساۋلىق ساقتاۋ سالاسىندا ەمحانالاردىڭ شامادان تىس جۇكتەلۋى وزەكتى ماسەلە بولىپ قالۋدا. اۋدانداعى جاعدايدى شەشۋ ءۇشىن، 2023 جىلدىڭ ءبىرىنشى توقسانىنا اۋىسىمىنا 200 كەلۋشىگە ارنالعان وتباسىلىق-دارىگەرلىك امبۋلاتوريانىڭ قۇرىلىسىن اياقتاۋ جوسپارلانۋدا. سونداي-اق، كەلەسى جىلى اۋىسىمىنا 300 كەلۋشىگە ارنالعان №18 ەمحانانىڭ جاڭا نەگىزگى عيماراتىنىڭ قۇرىلىسىن باستاۋ جوسپارلانۋدا.
اۋداننىڭ جول ينفراقۇرىلىمىنىڭ ساپاسىن ارتتىرۋ ماقساتىندا 50 كوشەگە اعىمداعى جوندەۋ جۇرگىزىلدى. جىل سوڭىنا دەيىن ۇزىندىعى 32،4 كم 23 كوشە مەن وتپە جولداردى جوندەۋ جۇمىستارى جوسپارلانعان.
كولىك اعىنىنىڭ شامادان تىس جۇكتەلۋ پروبلەماسىن شەشۋ ءۇشىن اعىمداعى جىلدىڭ مامىر ايىندا مەتروپوليتەننىڭ «سارى-ارقا» جانە «باۋىرجان مومىش ۇلى» ەكى جاڭا ستانسياسى ىسكە قوسىلدى. بۇل مەتروداعى كۇندەلىكتى جولاۋشىلار اعىنىن 50-دەن 70 مىڭ ادامعا دەيىن ارتتىرۋعا مۇمكىندىك بەردى.
جاۋىن-شاشىن جاۋعان كەزدە سۋ باسۋ ماسەلەسى اۋداندا وتە وزەكتى ماسەلە بولىپ قالۋدا. اۋدان بويىنشا تۇراقتى سۋ باسۋدىڭ 5 ۋچاسكەسى انىقتالدى، تج جەلىسى بويىنشا ەكى ۋچاسكە جويىلدى، 2022 جىلدىڭ سوڭىنا دەيىن قالعان ءۇش ۋچاسكە بويىنشا جۇمىستار اياقتالادى. ول ءۇشىن مومىش ۇلى كوشەسىندە ديامەترى 1 مەتر جانە ۇزىندىعى 2،1 كم جاڭا سۋ بۇرۋ كانالى سالىنادى، سونداي-اق جۇبانوۆ، قابدولوۆ، وتەگەن باتىر كوشەلەرىندەگى ۇزىندىعى 3،5 كم كوللەكتور قالپىنا كەلتىرىلەدى. بۇدان باسقا، 2023 جىلدىڭ سوڭىنا دەيىن ۇزىندىعى 44 كم 67 كوشەدە ارىق جەلىلەرى سالىنىپ، قايتا جاڭعىرتىلاتىن بولادى.
اۋداندا ينجەنەرلىك ينفراقۇرىلىمدى دامىتۋ بولىگىندە كەلەسى جىلدان باستاپ ۇزىندىعى 61،8 كم سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسى مەن مودەرنيزاسيالاۋ باستالادى.
«نۇرلى جەر» تۇرعىن ۇي-كوممۋنالدىق شارۋاشىلىعىن دامىتۋ باعدارلاماسى اياسىندا جىل باسىنان بەرى 8 ءۇيدىڭ جالپى پايدالانۋ ورىندارى جوندەلدى جانە 97 ۇيدە 190 ليفت اۋىستىرىلدى. جىل سوڭىنا دەيىن 8 ۇيدەگى 12 ءليفتتى قوسىمشا اۋىستىرۋ جانە 32 ۇيدەگى جالپى پايدالانۋ ورىندارىن جوندەۋ جوسپارلانۋدا.
«حالىقتىڭ بيۋدجەتكە قاتىسۋى» جوباسى اياسىندا اعىمداعى جىلى بارلىق ىرىكتەلگەن 23 جوبا بويىنشا قۇنى 800 ملن.تەڭگە بولاتىن قۇرىلىس-مونتاج جۇمىستارى جۇرگىزىلۋدە. جوبالاردى جۇزەگە اسىرۋ تامىز ايىنىڭ سوڭىنا دەيىن اياقتالادى.
سونداي-اق، اكىم 2022 جىلدىڭ سوڭىنا دەيىن سايران سۋ قويماسىنىڭ ءتۇبىن مەحانيكالىق تازارتۋ جۇمىستارى باستالاتىنىن اتاپ ءوتتى. ىرگەلەس اۋماقتى قاتار اباتتاندىرا وتىرىپ، سۋ قويماسىن قايتا قۇرۋعا جسق ازىرلەنۋدە. ازىرلەۋ اياقتالعاننان كەيىن، جوندەۋ جۇمىستارىنا 2023 جىلدىڭ 2 توقسانىندا كىرىسۋ جوسپارلانۋدا.
الماتى اكىمىمەن كەزدەسۋ بارىسىندا تۇرعىندار جولداردى، كارىز جانە ەلەكتر جەلىلەرىن جوندەۋ، اباتتاندىرۋ جانە ت. ب. ماسەلەلەردى كوتەردى.
مەملەكەت باسشىسى قاسىم-جومارت توقايەۆتىڭ جارلىعىمەن بەكىتىلگەن حالىقپەن كەزدەسۋلەردىڭ جاڭا فورماتىنا سايكەس، جىل سوڭىنا دەيىن ەربولات دوسايەۆ توقسانىنا 8 اۋداننىڭ تۇرعىندارىمەن ءبىر-بىر كەزدەسۋدەن - بارلىعى 24 كەزدەسۋ وتكىزەدى.