حالىقتى ساپالى سۋمەن قامتاماسىز ەتۋ ماسەلەسى قالا اكىمدىگى ءۇشىن باسىم ماسەلە بولىپ قالا بەرەدى.
بۇل تۋرالى الماتى اكىمى ەربولا دوسايەۆتىڭ اۋەزوۆ اۋدانى تۇرعىندارىمەن وتكەن كەزدەسۋىندە ايتىلدى، دەپ حابارلايدى Almaty-akshamy.kz.
«بۇگىنگى تاڭدا مەنىڭ تاپسىرمام بويىنشا "دوستىق"، "مامىر-4" شاعىناۋداندارىندا، «ساين-شالياپين-جاندوسوۆ – قارعالى وزەنى» كوشەلەرىنىڭ ورامىندا، سونداي-اق «ارىچنايا، ىقىلاس، زاپادنايا» كوشەلەرىندە ۇزىندىعى 61،8 كم سۋمەن جابدىقتاۋ جانە سۋ بۇرۋ جەلىلەرىن سالۋعا جانە جاڭعىرتۋعا جوبالاۋ-سمەتالىق قۇجاتتاما ازىرلەنۋدە»، - دەدى قالا اكىمى ەربولات دوسايەۆ.
2023 جىلدىڭ I توقسانىندا مەملەكەتتىك ساراپتامانىڭ قورىتىندىسىن الا وتىرىپ، جوبالاۋ-سمەتالىق قۇجاتتاما ازىرلەۋدى اياقتاۋ جوسپارلانۋدا. 2023 جىلدىڭ II توقسانىندا قۇرىلىس-مونتاجداۋ جۇمىستارىن باستاۋ جوسپارلانىپ وتىر.
اتالعان جوبالاردى ىسكە اسىرۋ 2000-نان استام ابونەنتتى ساپالى سۋمەن جانە كاناليزاسيامەن قامتاماسىز ەتۋگە مۇمكىندىك بەرەدى.