مەكتەپكە دەيىنگى مەكەمەلەردە ورىن تاپشىلىعىن ازايتۋ ءۇشىن 280 ورىندىق 2 مەملەكەتتىك بالاباقشا سالۋ جوسپارلانۋدا.
الماتى اكىمى ەربولات دوسايەۆ اۋەزوۆ اۋدانىنىڭ تۇرعىندارىمەن كەزدەستى، دەپ حابارلايدى Almaty-akshamy.kz.
كەزدەسۋدە مەكتەپكە دەيىنگى مەكەمەلەردە ورىن تاپشىلىعىن ازايتۋ ماسەلەسى دە ءسوز بولدى.
"التىن بەسىك" شاعىناۋدانىندا 120 ورىندىق ءبىرىنشى بالاباقشانىڭ جوبالاۋ-سمەتالىق قۇجاتتاماسى قازان ايىنىڭ سوڭىنا دەيىن مەملەكەتتىك ساراپتامادان ءوتىپ، ازىرلەنەدى. قۇرىلىس جۇمىستارىن 2023 جىلدىڭ I توقسانىندا باستاۋدى جوسپارلاپ وتىرمىز»، - دەدى قالا اكىمى.
10-شى شاعىناۋدانداعى 160 ورىندىق ەكىنشى بالاباقشانى سالۋ ءۇشىن قاراۋسىز قالعان بالاباقشا عيماراتى ساتىپ الىندى. قىركۇيەك ايىندا بيۋدجەتتى ناقتىلاۋ كەزىندە جوبالاۋ-سمەتالىق قۇجاتتاما ازىرلەۋگە قاراجات بولىنبەك. كەلەسى جىلى مەملەكەتتىك ساراپتامادان وتكەننەن كەيىن، قولدانىستاعى عيماراتتى بۇزىپ، قۇرىلىستى باستاۋدى جوسپارلانىپ وتىر.