بۇل تۋرالى قۇجات جوباسى اشىق نقا پورتالىندا جاريالاندى
جوبا ەلىمىزدەگى بالالار اراسىنداعى ءسۋيسيدتىڭ الدىن الۋ ماقساتىندا قولعا الىنباق. بالالاردى زورلىق-زومبىلىقتان قورعاۋ، ءسۋيسيدتىڭ الدىن الۋ، ولاردىڭ قۇقىقتارى مەن ءال-اۋقاتىن قامتاماسىز ەتۋ جونىندەگى 2023-2025 جىلدارعا ارنالعان «بالا قورعاۋ» كەشەندى جوسپارىنان بەلگىلى بولدى، دەپ حابارلايدى Almaty-akshamy.kz.
مۇندا Instagram، Facebook، WhatsApp، ۆكونتاكتە پلاتفورمالارىندا كامەلەتكە تولماعانداردى زاڭدى وكىلدەردىڭ رۇقساتىنسىز تىركەۋدى شەكتەۋ جونىندە شارالار قابىلداۋ 2025 جىلعى 1 توقسانعا جوسپارلانعانى جازىلعان. بۇل باستاماعا سيفرلىق دامۋ، يننوۆاسيالار جانە اەروعارىش ونەركاسىبى، اقپارات جانە قوعامدىق دامۋ، وقۋ-اعارتۋ مينيسترلىكتەرى جاۋاپتى بولادى.
«بالا قورعاۋ» كەشەندى جوسپارىنداعى مالىمەتكە سايكەس، ەلىمىزدە جاسوسپىرىمدەر اراسىندا قىلمىستىق جاعداي كۇردەلەنە تۇسكەن. 2021 جىلى 1529 قىلمىس تىركەلسە، 2022 جىلى وولاردىڭ سانى 12 پايىزعا ارتىپ، 1735-كە جەتكەن. مۇنداي قۇقىقبۇزۋشىلىقتار، اسىرەسە، الماتى قالاسى، باتىس قازاقستان، پاۆلودار، ماڭعىستاۋ وبلىستارىندا ءجيى تىركەلەدى.
قۇجات جوباسى 6 ماۋسىمعا دەيىن جاريا تالقىلاۋدا بولادى.