«قازاقستان حالقىنا» قوعامدىق قورىنىڭ ماقساتى قانداي؟

قوردىڭ ماقساتتارى مەن اتقاراتىن ىستەرى قانداي بولماق؟

جۋىردا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ باستاماسىمەن «قازاقستان حالقىنا» قوعامدىق قورى قۇرىلدى، دەپ حابارلايدى Almaty-akshamy.kz ءتىلشىسى

سونىمەن قاتار، مەملەكەت باسشىسى «وتە اۋقاتتى باي ادامداردىڭ حالىققا كومەكتەسەتىن كەزى كەلدى» دەگەن بولاتىن. قۇرىلعاننان بەرى جينالعان قارجىنىڭ كولەمى 12 ملرد تەڭگەدەن اسقان. ال قوردىڭ جۇمىسى، ميسسياسى تۋراسىندا كوپشىلىككە كەڭىرەك تانىستىرۋدى ءجون كوردىك. اشىق دەرەككوزدەردە ءبىرقاتار اتقاراتىن ىستەرى كورسەتىلگەن.

قوردىڭ ماقساتى:

• دەنساۋلىق ساقتاۋ، ءبىلىم بەرۋ جانە الەۋمەتتىك قولداۋ، مادەنيەت جانە سپورت سالالارىندا مەملەكەتتىك قولداۋ شارالارىنان تىس قوسىمشا قامتاماسىز ەتۋ ماسەلەلەرى بويىنشا قازاقستان حالقىنا قايىرىمدىلىق كومەك كورسەتۋ؛


• توتەنشە جاعدايلار كەزىندە جانە توتەنشە جاعداي رەجيمى ەنگىزىلگەندە زارداپ شەككەن حالىققا كومەك كورسەتۋ؛


• حالىقتىڭ الەۋمەتتىك وسال توپتارىنان مۇقتاج بالالار مەن بالالار ءۇشىن سپورتتىق ينفراقۇرىلىمنىڭ دامۋىنا جانە ونىڭ قولجەتىمدىلىگىن ارتتىرۋعا جاردەمدەسۋ؛


• قازاقستاننىڭ اۋماقتىق تۇتاستىعى مەن قاۋىپسىزدىگىن قورعاۋ كەزىندە قازا تاپقان قۇقىق قورعاۋ ورگاندارى، ارنايى ورگاندار قىزمەتكەرلەرىنىڭ، اسكەري قىزمەتشىلەردىڭ وتباسىلارىن قولداۋ؛


• قور قىزمەتىنىڭ وزگە دە باسىم باعىتتارى بويىنشا قايىرىمدىلىق كومەك كورسەتۋ.