الماتىدا وقۋشىلار سارايىن مودەرنيزاسيالاۋدىڭ 2 كەزەڭى بويىنشا قۇرىلىس-مونتاج جۇمىستارى جۇرگىزىلۋدە.
بۇل تۋرالى مەدەۋ اۋدانىنىڭ اكىمى ەربولات دوسايەۆ مەدەۋ اۋدانىنىڭ تۇرعىندارىمەن كەزدەسۋدە مالىمدەدى، دەپ حابارلايدى Almaty-akshamy.kz.
«مودەرنيزاسيالاۋ اياسىندا جىلىتۋ، جەلدەتۋ جانە كونديسيونەرلەۋ، سۋمەن جابدىقتاۋ جانە كارىز جۇيەلەرىن اۋىستىرۋ، قۋاتى 1،4 مۆت جاڭا ترانسفورماتورلىق قوسالقى ستانسيا سالۋ جۇمىستارى جۇرگىزىلۋدە. جۇمىستار اعىمداعى جىلدىڭ قازان ايىنىڭ سوڭىنا دەيىن اياقتالادى. جاڭا تەلەسكوپ پەن ليفت ورناتىلاتىن وبسەرۆاتوريادا دا جوندەۋ جۇمىستارى جۇرگىزىلەدى. جۇمىستىڭ اياقتالۋ مەرزىمى – وسى جىلدىڭ جەلتوقسان ايى»، - دەدى اكىم.
ەسكە سالساق،، 2022 جىلى سكۆەردى اباتتاندىرۋ جۇمىستارى اياقتالدى. سىرتقى جارىقتاندىرۋ اۋىستىرىلدى، جاڭا اعاشتار مەن بۇتالار وتىرعىزىلدى، كوگالداندىرۋ جۇرگىزىلدى، سۋارۋ جۇيەسى تارتىلىپ، جابىندار توسەلدى. سونداي-اق جاڭا ورىندىقتار مەن ۋرنالار قويىلىپ،سۋبۇرقاق سالىندى.