الماتى اكىمى ەربولات دوسايەۆتىڭ حالىقپەن كەزەكتى كەزدەسۋى المالى اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان كەلىپ تۇسكەن ۇسىنىستار بويىنشا اتقارىلعان جۇمىستار تۋرالى ايتتى. كەزدەسۋگە 280-نەن استام ادام كەلدى، دەپ حابارلايدى اlmaty-akshamy.kz.
قالا اكىمى ەربولات دوسايەۆ اتاپ وتكەندەي، اۋداننىڭ نەگىزگى ماسەلەسى ەلەكترمەن جابدىقتاۋ بولىپ قالا بەرەدى. جاعدايدى شەشۋ ءۇشىن 2022-2023 جىلدارعا ارنالعان قالانىڭ ەلەكتر جۇيەسىن جاڭعىرتۋ جوباسى ىسكە اسىرىلۋدا. المالى اۋدانى بويىنشا ەكى جىل ىشىندە رەزەرۆتىك قۋاتتاردى 10 كۆت-قا دەيىن ۇلعايتا وتىرىپ، 156 كم ەسكىرگەن كابەلدىك جەلىلەردى اۋىستىرۋ جانە 13 تاراتۋ جانە 195 ترانسفورماتورلىق قوسالقى ستانسيالاردى قايتا جاڭارتۋ كوزدەلگەن. بۇگىنگى تاڭدا 55 كم كابەل جەلىلەرى اۋىستىرىلىپ، 8 تاراتۋ جانە 42 ترانسفورماتورلىق قوسالقى ستانسيالار جاڭاردى. جوبانى ىسكە اسىرۋ قورىتىندىسى بويىنشا اۋداننىڭ ەلەكتر جەلىلەرىنىڭ ورتاشا توزۋى 70-تەن 56%-عا دەيىن تومەندەيدى.
جاۋىن-شاشىن كەزىندە سۋ باسۋ اۋداندا وزەكتى ماسەلە بولىپ قالۋدا. اۋدان بويىنشا تۇراقتى سۋ باسۋدىڭ 12 ۋچاسكەسى انىقتالدى. تج جەلىسى بويىنشا پروبلەمانى شەشۋ ءۇشىن جىل سوڭىنا دەيىن ماقاتايەۆ كوشەسىنىڭ بويىنداعى 3،6 كم كوللەكتوردى قالپىنا كەلتىرۋ، 2،3 كم ارىق جەلىلەرىن جانە رايىمبەك داڭعىلىنىڭ بويىنا 1،6 كم كانال سالۋ قاراستىرىلعان. سونىمەن قاتار، كۇزدە 52 ۋچاسكەدە 34 كم ارىق جەلىسىن قايتا قۇرۋ جانە سالۋ جۇمىستارى باستالادى، ول 2024 جىلدىڭ سوڭىنا دەيىن جالعاسادى.
جولداردىڭ پايدالانۋ سيپاتتامالارىن جاقسارتۋ ءۇشىن جالپى ۇزىندىعى 4،7 كم 8 كوشەنى ورتاشا جوندەۋ اياقتالدى، سونداي-اق 14 مەكەنجايدا تروتۋار جەلىسىنىڭ قۇرىلىسى بويىنشا جۇمىستار جۇرگىزىلدى. اعىمداعى جىلدىڭ قاراشا ايىنا دەيىن جالپى ۇزىندىعى 10،2 كم بولاتىن تاعى 10 كوشە قوسىمشا ورتاشا جوندەلەتىن بولادى.
وقۋشى ورىندارىنىڭ تاپشىلىعىن تومەندەتۋ ماقساتىندا قىركۇيەك ايىندا قابانباي باتىر كوشەسىندە 850 ورىندى Prometheus school جەكە ءبىلىم بەرۋ مەكتەبىن اشۋ جوسپارلانۋدا. №15 گيمنازيانى كۇردەلى جوندەۋ جۇمىستارى جۇرگىزىلۋدە،ول 2023 جىلدىڭ شىلدە ايىندا اياقتالادى.
مەكتەپكە دەيىنگى ورىندار تاپشىلىعى ماسەلەسىن شەشۋ ءۇشىن جىل باسىنان بەرى 225 ورىندى 3 جەكەمەنشىك بالاباقشا اشىلدى. 30 تامىزعا دەيىن №7 بالاباقشانىڭ سەيسموتۇراقتىلىعىن كۇشەيتۋ جۇمىستارى اياقتالادى. ايتەكە بي-ماۋلەنوۆتەگى بۇرىنعى بالاباقشا عيماراتى جالعا بەرۋدەن قايتارىلدى. جىل سوڭىنا دەيىن كۇردەلى جوندەۋگە جسق ازىرلەنەدى. قمج 2023 جىلدىڭ ەكىنشى توقسانىندا باستالادى.
«نۇرلى جەر» تۇرعىن ۇي-كوممۋنالدىق شارۋاشىلىقتى دامىتۋ باعدارلاماسى بويىنشا جىل باسىنان بەرى 22 ۇيدە 57 ليفت اۋىستىرىلدى. جىل سوڭىنا دەيىن 3 ۇيدە تاعى 8 ليفت اۋىستىرىلاتىن بولادى.
سونداي-اق، ەسكى ۇيلەردى رەنوۆاسيالاۋ باعدارلاماسى بويىنشا بيىل سەيفۋللين - تولە بي، شارىپوۆ-شيەۆچەنكو كوشەلەرىندەگى 4 ءۇي تۇرعىندارىنىڭ تۇرعىن ءۇي جاعدايى جاقساردى. تاريحي بىرەگەيلىكتى ساقتاۋ ءۇشىن اعىمداعى جىلدىڭ باسىنان بەرى 10 شاعىن قاباتتى تۇرعىن ءۇيدىڭ قاسبەتتەرى جوندەلدى. اعىمداعى جىلدىڭ قازان ايىنا دەيىن 34 ءۇيدىڭ جوندەۋ جۇمىستارىن اياقتاۋ جوسپارلانۋدا.
«حالىق قاتىساتىن بيۋدجەت» باعدارلاماسى اياسىندا اۋدان بويىنشا جىل سوڭىنا دەيىن 34 جوبا جۇزەگە اسىرىلادى. ولاردىڭ ىشىندە – ارو ساياباعىن اۆتوماتتى سۋارۋ جانە كوگالداندىرۋ جۇيەسى، ازتم ساياباعىنداعى يتتەردى سەرۋەندەتۋگە ارنالعان الاڭ، بوگەنباي باتىر بۋلۆارىن سەيفۋللين داڭعىلىنان ءشارىپوۆ كوشەسىنە دەيىن اباتتاندىرۋ، دوسمۇحامەدوۆ كوشەسى، 68 جانە انوسوۆ كوشەسى، 37 ەكى اۋلانى جوندەۋ قاراستىرىلعان.
الماتى اكىمىمەن كەزدەسۋ بارىسىندا تۇرعىندار جولداردى، كارىز جانە ەلەكتر جەلىلەرىن جوندەۋ، اباتتاندىرۋ جانە ت.ب. ماسەلەلەردى كوتەردى.
مەملەكەت باسشىسى قاسىم-جومارت توقايەۆتىڭ جارلىعىمەن بەكىتىلگەن حالىقپەن كەزدەسۋلەردىڭ جاڭا فورماتىنا سايكەس جىل سوڭىنا دەيىن ەربولات دوسايەۆ حالىقپەن 24 كەزدەسۋ وتكىزەدى – توقسانىنا 8 اۋداننىڭ تۇرعىندارىمەن ءبىر-بىر كەزدەسۋ.