بۇل تۋرالى قالا اكىمى ە.دوسايەۆ المالى اۋدانىنىڭ تۇرعىندارىمەن كەزدەسۋىندە سويلەگەن سوزىندە مالىمدەدى، دەپ حابارلايدى اlmaty-akshamy.kz.
جايلى جانە ءومىر ءسۇرۋ ىڭعايلى اۋدان ءۇي مەن اۋلادان باستالادى. "نۇرلى جەر" تۇرعىن ۇي-كوممۋنالدىق شارۋاشىلىعىن دامىتۋ باعدارلاماسى بويىنشا اعىمداعى جىل باسىنان بەرى 22 ۇيدە 57 جەدەلساتى اۋىستىرىلدى جانە 2 ۇيدە ورتاق مۇلىك جوندەلدى.
اعىمداعى جىلدىڭ سوڭىنا دەيىن 3 ۇيدەگى تاعى 8 ءليفتىنى قوسىمشا اۋىستىرۋدى جانە 4 ۇيدەگى جالپى قولدانىستاعى مۇلىكتى جوندەۋ جوسپارلانىپ وتىر.
اعىمداعى جىلدىڭ قازان ايىنا دەيىن جوسپارلانعان 5 اۋلا كەڭىستىگىن كۇردەلى جوندەۋ اياقتالادى.تاريحي بىرەگەيلىكتى ساقتاۋ ءۇشىن اعىمداعى جىلدىڭ باسىنان باستاپ 10 شاعىن قاباتتى تۇرعىن ءۇيدىڭ قاسبەتتەرى جوندەلدى جانە وسى جىلدىڭ قازان ايىنا دەيىن تاعى 34 ءۇي جوندەلەدى.
ەسكى ۇيلەردى جوندەۋ باعدارلاماسى بويىنشا بيىل 4 ءۇيدىڭ تۇرعىندارى تۇرعىن ءۇي جاعدايىن جاقسارتتى.(سەيفۋللين-تولە بي، شارىپوۆ-شيەۆچەنكو كوشەلەرىمەن قيىلىسادى.)
2023 جىلدىڭ قىركۇيەگىندە شيەۆچەنكو كوشەسىندەگى تاعى ەكى قاباتتى ەسكى ۇيلەردىڭ (16 پاتەر) تۇرعىندارىن «ۆەك» اق سالاتىن وسى الاڭداعى جاڭا 9 قاباتتى تۇرعىن ۇيگە كوشىرىلەدى.
ءۇي قۇرىلىسىن اعىمداعى جىلدىڭ قىركۇيەك ايىندا باستاۋ جوسپارلانۋدا (تۇرعىندار مەن "ۆەك" اق اراسىندا نيەت كەلىسىمشارتتارىنا قول قويىلدى).