الماتىدا قالداياقوۆ كوشەسىندە ماقاتايەۆ كوشەسىنەن قابانباي باتىر كوشەسىنە دەيىن جول توسەمىنە ورتاشا جوندەۋ جۇمىستارى جۇرگىزىلىپ جاتىر. سوڭعى رەت بۇل ۋچاسكەدە جوندەۋ جۇمىستارى 14 جىل بۇرىن - 2010 جىلى جۇرگىزىلدى، دەپ حابارلايدى aqshamnews.kz
قالالىق موبيلدىلىك باسقارماسىندا ءقازىر دايىندىق جۇمىستارى، اتاپ ايتقاندا، اسفالتتى قىرۋ، قيسىق (قايتا ورناتۋ) جانە اقاۋى بار جيەكتاستاردى اۋىستىرۋ، تۇزەتۋ جۇمىستارى جۇرگىزىلىپ جاتقانىن اتادى. جوندەلىپ جاتقان اۋماقتا بارلىعى 254 مەتر جيەكتاس اۋىستىرىلىپ، 885 مەتر جيەكتاس تەگىستەلدى. قالداياقوۆ كوشەسىندە اقاۋى بار گرانيت جيەكتاستار جاڭاسىنا اۋىستىرىلىپ جاتىر.
جيەكتاستاردى تەگىستەۋ دەگەن نە؟
اقاۋسىز، ءبىراق قيسايعان جيەكتاستار تەگىستەلىپ، قايتا ورناتىلادى. ولار سول اۋماقتاعى جولدىڭ قاجەتتىلىگىنە سايكەس قايتادان ورناتۋ ءۇشىن الىنىپ تاستالادى.
قانداي جيەكتاستار اۋىستىرىلادى؟
قايتا قولدانۋعا جارامسىز جيەكتاستار اۋىستىرىلادى. بۇل ادەتتە كولىكتەر مەن كوممۋنالدىق تەحنيكانىڭ اسەرىنەن بۇزىلعان جيەكتاستار. جالپى، ورتاشا جول جوندەۋ جۇمىستارى اياسىندا قالا بويىنشا جاڭا جيەكتاستاردى ورناتۋ جالپى سانىنىڭ شامامەن 5%.
الماتىدا جيەكتاستار قانداي ماتەريالدان جاسالعان؟
الماتى كوشەلەرىندە ەكى ءتۇرلى جيەكتاس قولدانىلادى: ۇزاق مەرزىمدى تابيعي گرانيتتەن جاسالعان جانە ورتاشا قىزمەت ەتۋ مەرزىمى 4-5 جىل بولاتىن سەمەنت-قۇمنان جاسالعان جيەكتاس.
سەمەنت-قۇم جيەكتاستارى جول-كولىك وقيعاسى نەمەسە قار كۇرەيتىن تەحنيكالاردان تەز توزادى. سوندىقتان كەيبىر ماگيسترالدى كوشەلەردە سەمەنت-قۇم جيەكتاستار گرانيتكە اۋىستىرىلادى. قولدانۋعا جارامسىز گرانيت جيەكتاستار دا جاڭاسىنا اۋىستىرىلادى.