الماتى قالاسىنىڭ جەرگىلىكتى اتقارۋشى ورگانى ەسەبىنەن رەزيدەنتۋراعا تۇسكەن گرانت يەگەرلەرىنىڭ ءتىزىمى جاريالاندى
قازاقستان رەسپۋبليكاسى دەنساۋلىق ساقتاۋ مينيسترلىگىنىڭ «وڭىرلەردە مەديسينالىق كادرلار تاپشىلىعىن ازايتۋ بويىنشا قابىلدانىپ جاتقان شارالار تۋرالى» جانە الماتى قالاسىندا مەديسينالىق كادرلاردىڭ تاپشىلىعىن ازايتۋ بويىنشا قابىلدانىپ جاتقان شارالاردىڭ شەڭبەرىندە 2021 جىلدان باستاپ الماتى قالاسىنىڭ اكىمدىگى دارىگەرلەردى، سۇرانىسى جوعارى كلينيكالىق ماماندىقتار بويىنشا، رەزيدەنتۋرادا وقىتۋعا جىل سايىن قارجى ءبولىپ وتىر.
2024 جىلى الماتى قالاسى اكىمدىگىنىڭ گرانتىنىڭ يەگەرلەرى اتانعان 110 جاس مامان رەزيدەنتۋرانى اياقتاپ مەديسينالىق ۇيىمدارعا جۇمىسقا ورنالاستى. قازىرگى تاڭدا، الدىڭعى جىلدارى وقۋعا تۇسكەن 194 مامان رەزيدەنتۋرادا ءبىلىم الۋىن جالعاستىرۋدا.
2024 جىلى قالامىزدا، وتە تاپشى مەديسينالىق ماماندىقتار بويىنشا، ۇزاقتىعى 2-3 جىل بولاتىن رەزيدەنتۋرادا 120 ورىن ءبولىنىپ، جەرگىلىكتى بيۋدجەتتەن قارجىلاندىرۋ كوزدەلگەن. ەڭ كوپ گرانتتار «ەندوكرينولوگيا»، «وفتالمولوگيا»، «فيزيچەسكايا مەديسينا ي رەابيليتاسيا» (11 گرانتتان)، «كارديولوگيا» (10 گرانت)، «گاستروەنتەرولوگيا» (8 گرانت) سالالارى بويىنشا بولىنگەن. الماتى قالاسى اكىمدىگى جانىندىعى كونكۋرستىق كوميسسيا شەشىمىمەن، 2024 جىلعا ديپلومنان كەيىنگى وقىتۋعا بەكىتىلگەن قاراجات شەڭبەرىندە، بارلىعى 120 رەزيدەنتۋرا بويىنشا ءبىلىم گرانتى قالىپتاستىرىلدى.
اعىمداعى جىلدىڭ 27 تامىزىندا الماتى قالاسى بويىنشا رەزيدەنتتەردى وقىتۋعا مەملەكەتتىك ءبىلىم بەرۋ تاپسىرىسىن قالىپتاستىرۋ، ءبولۋ جانە ورنالاستىرۋ جونىندەگى كونكۋرستىق كوميسسيانىڭ وتىرىسى ءوتتى. كونكۋرس كوميسسياسىنىڭ قۇرامى اكىمنىڭ وكىمىمەن بەكىتىلەدى جانە جەرگىلىكتى اتقارۋشى ورگاننىڭ قىزمەتكەرلەرىنەن، ازاماتتىق قوعام وكىلدەرىنەن تۇرادى. كوميسسيا ءتوراعاسى الماتى قالاسى اكىمىنىڭ ورىنباسارى نۋسۋپوۆا ءا.ب.
الماتى قالاسى اكىمدىگىنىڭ ءبىلىم گرانتىن تاعايىنداۋ كونكۋرسىنا قاتىسۋ ءۇشىن، مەديسينالىق جوعارعى وقۋ ورىندارى، ءتۇسۋ ەمتيحانىندا ەڭ جوعارى بالل جيناعان تالاپكەرلەردىڭ ءتىزىمىن ۇسىنادى. بيىلعى جىلى بايقاۋعا 175 ۇمىتكەر قاتىستى. بايقاۋ كوميسسياسىنىڭ شەشىمىمەن 120 ۇمىتكەر الماتى قالاسى اكىمدىگىنىڭ گرانتىنىڭ يەگەرى اتاندى.
ءبىلىم بەرۋ گرانتىنىڭ يەگەرى، ديپلوم العان سوڭ، الماتى قالاسىنىڭ مەديسينالىق ۇيىمدارىندا ءتيىستى ماماندىق بويىنشا 5 جىل جۇمىس ىستەۋ مىندەتتەمەسىن الىپ، «الماتى ق. قوعامدىق دەنساۋلىق ساقتاۋ باسقارماسى-ستۋدەنت-ۋنيۆەرسيتەت» اراسىندا ءۇش جاقتى كەلىسىمشارت جاسالادى.
الماتى قالاسى اكىمدىگىنىڭ جانىنداعى كونكۋرستىق كوميسسيا وتىرىسىنىڭ شەشىمىمەن قابىلدانعان 2024 جىلعى رەزيدەنتۋرا گرانت يەگەرلەرىنىڭ ءتىزىمىن سىلتەمە بويىنشا قاراۋعا بولادى
https://www.gov.kz/memleket/entities/almaty-densaulyk/documents/details/712721؟lang=kk