10 تامىز كۇنى ساعات 09:00-دەن 11:00-گە دەيىن الماتىدا كولىك قوزعالىسى ۋاقىتشا شەكتەلەدى:
– اباي داڭعىلى بويىمەن — نازاربايەۆ داڭعىلىنان دوستىق داڭعىلىنا دەيىن؛
– دوستىق داڭعىلى بويىمەن — قۇرمانعازى كوشەسىنەن ساتبايەۆ كوشەسىنە دەيىن.
شەكتەۋلەر اباي قۇنانباي ۇلىنىڭ ەسكەرتكىشىنە گۇل شوقتارىن قويۋ راسىمىنە بايلانىستى ەنگىزىلەدى.
«قالا تۇرعىندارى مەن قوناقتارىن ۇلى اقىننىڭ رۋحىنا تاعزىم ەتۋ ماقساتىنداعى سالتاناتتى راسىمگە قاتىسۋعا شاقىرامىز. ءىس-شارا ساعات 10:00-دە رەسپۋبليكا سارايىنىڭ الدىنداعى اباي الاڭىندا باستالادى.
ۋاقىتشا قوزعالىس وزگەرىستەرىن ەسكەرىپ، جول ءجۇرۋ ەرەجەلەرىن ساقتاۋلارىڭىزدى سۇرايمىز»، – دەپ حابارلادى الماتى قالاسى اكىمدىگى.
ەسكە سالايىق، اباي قۇنانباي ۇلىنىڭ 180 جىلدىعىنا وراي الماتىدا جىل سوڭىنا دەيىن 120-دان استام ءىس-شارا وتكىزۋ جوسپارلانعان.