بيىل الماتىدا سايلاۋ جوسپارلانباعانىنا قاراماستان، سايلاۋ پروسەسىنە قاتىسۋشىلاردى كاسكادتىق ادىسپەن ەلەكتورالدىق وقىتۋ جالعاسۋدا. ماسەلەن، جەتىسۋ اۋدانىندا «رەسپۋبليكا ءماسليحاتتارىنىڭ دەپۋتاتتارىن سايلاۋ» تاقىرىبىندا كەزەكتى سەمينار ءوتتى، دەپ حابارلايدى اqshamnews.kz.
سەمينار بارىسىندا جەتىسۋ اۋدانىنىڭ اۋماقتىق سايلاۋ كوميسسياسىنىڭ مۇشەلەرى ءوز تاجىريبەلەرىمەن ءبولىسىپ، كەشەندى تەستىلەۋ جانە پراكتيكالىق ساباقتار وتكىزدى. سونداي-اق، سايلاۋ كەزىندە تۋىنداعان جاعدايلار بويىنشا كەيستەردى جان-جاقتى تالقىلادى.
جۇرگىزىلىپ جاتقان شارالار سايلاۋ كوميسسيالارىنىڭ قۇقىقتىق ساۋاتتىلىعى مەن جۇمىسىنىڭ تيىمدىلىگىن ارتتىرۋعا باعىتتالعان. اعىمداعى جىلى اۋماقتىق كوميسسيالار 1600 مىڭنان استام ادامدى قامتيتىن ءتۇرلى دەڭگەيدەگى 21-دەن استام وقىتۋ جانە ءاقپاراتتىق-تۇسىندىرۋ ءىس-شارالارىن جوسپارلاپ وتىر. ءبىرىنشى جارتىجىلدىقتىڭ قورىتىندىسى بويىنشا 994 ءىس-شارا وتكىزىلىپ، وعان 16 مىڭنان استام ادام قاتىستى.
الماتى قالاسىنىڭ اۋماقتىق سايلاۋ كوميسسياسى سايلاۋشىلاردىڭ قۇقىقتىق مادەنيەتى مەن ەلەكتورالدىق بەلسەندىلىگىن ارتتىرۋدىڭ ەكىنشى جارتى جىلدىققا ارنالعان «جول كارتاسىن» بەكىتتى. بۇل سايلاۋدى ۇيىمداستىرۋشىلاردى جانە سايلاۋ پروسەسىنە قاتىسۋشىلاردى وقىتۋدىڭ جوسپارىن ءوز ىشىنە قامتيدى. ءاقپاراتتىق-تۇسىندىرۋ كوميكستەرى مەن بەينەروليكتەر سەرياسىن ازىرلەۋدەن باستاپ، سايلاۋ كوميسسيالارى قىزمەتىنىڭ ءتۇرلى باعىتتارى بويىنشا ادىستەمەلىك ۇسىنىمدار ازىرلەۋگە دەيىن ءارتۇرلى دەڭگەيدەگى 70-تەن استام ءىس-شارا وتكىزۋ جوسپارلانۋدا. الماتى قالاسىنىڭ جاس سايلاۋشىلار كلۋبىن قۇرۋ، جاس سايلاۋشىلار قاتارىنان بەلسەندىلەر پۋلىن قالىپتاستىرۋ جوسپارلانىپ وتىرعانىن ەرەكشە اتاپ وتكەن ءجون، – دەيدى الماتى قالاسى سايلاۋ كوميسسياسىنىڭ ءتورايىمى ايگۇل قالىقوۆا.