الماتى اكىمدىگى كرەاتيۆتى يندۋستريانى دامىتۋعا نازار اۋدارماق

2023 جىلعا قويىلعان مىندەتتەر وسىنداي.

سونىمەن قاتار جوعارى تەحنولوگيالىق جانە «تازا» ونىمدەر، تۋريزم، IT-سەكتور دا باستى نازاردا، دەپ حابارلايدى Almaty-akshamy.kz

بۇلتۋرالى وڭىرلىك كوممۋنيكاسيالار قىزمەتى بريفينگىنە كەلگەن الماتى قالاسى اكىمىنىڭ ورىنباسارى الىشەر ءابدىقادىروۆ ايتىپ ءوتتى.

كەلەسى جىلى جەتى شاعىن وندىرىستىك پاركتى ىسكە قوسۋ، كرەاتيۆتى سالالار ءۇشىن ۆەنچۋرلىق قور قۇرۋ، باسىم باعىتتار بويىنشا 50 ملرد تەڭگەگە دەيىن 2،6 مىڭعا جۋىق شوب جوباسىن قارجىلاندىرۋ جوسپارلانۋدا. جالپى، ينۆەستيسيا رەتىندە وعان 1،5 ترلن تەڭگە تارتىلادى.

سونىڭ ارقاسىندا 2023 جىلى الماتى قالاسى ەكونوميكاسىنىڭ ءوسىمى 4،4 پايىزدى قۇرايتىن بولادى. الىشەر ءابدىقادىروۆ بۇگىندە الماتىدا قاڭتار وقيعاسىنان كەيىن شاعىن جانە ورتا بيزنەستىڭ قىزمەتى تولىق قالپىنا كەلگەنىن ايتتى. شوب سۋبەكتىلەرىنە 16،2 ملرد تەڭگە تولەنگەن.

«شاعىن كاسىپكەرلىكتىڭ بەلسەندىلىگىنە قىزمەتتەردىڭ كەڭەيۋى مەن ىنتالاندىرۋ شارالارى ىقپال ەتتى. بۇل رەتتە 115،4 ملرد تەڭگەگە 2،7 مىڭنان استام جوبا قولداۋ تاپتى»، - دەدى وكق سپيكەرى.