الماتىدا ەكونوميكانىڭ تۇراقتى ءوسىمى بايقالادى

مەگاپوليس رەسپۋبليكا وڭىرلەرى اراسىندا جەتەكشى ورىنعا يە.

بۇل تۋرالى وڭىرلىك كوممۋنيكاسيالار قىزمەتىنىڭ ەسەپ بەرۋ بريفينگىندە الماتى قالاسى اكىمىنىڭ  ورىنباسارى الىشەر ءابدىقادىروۆ ايتتى،دەپ حابارلايدى Almaty-akshamy.kz.

مەگاپوليس رەسپۋبليكا وڭىرلەرى اراسىندا جەتەكشى ورىنعا يە، اعىمداعى جىلدىڭ 11 ايىنىڭ قورىتىندىسى بويىنشا، قىسقا مەرزىمدى ەكونوميكالىق كورسەتكىش 6،2%-عا دەيىن ءوستى.

الىشەر ءابدىقادىروۆتىڭ ايتۋىنشا، ءوسىمنىڭ درايۆەرى ءوسۋ قارقىنى بويىنشا ەلىمىزدە ءبىرىنشى ورىندا تۇرعان وڭدەۋشى ونەركاسىپ بولدى. قالا ەكونوميكاسىنىڭ ءىرى سالاسى – ساۋدا، ەڭ الدىمەن، كوتەرمە ساۋدانىڭ 6،0%-عا ءوسۋى ەسەبىنەن 5،6%-عا دەيىن ءوستى.

«ەكونوميكانى قالپىنا كەلتىرۋدىڭ جوعارى قارقىنى سالىق تۇسىمدەرىنىڭ ءوسۋىن قامتاماسىز ەتتى. سالىق تۇسىمدەرى 42،1%-عا ءوسىپ، 3 581،2 ملرد تەڭگەنى قۇرادى، ونىڭ ىشىندە شوب سۋبەكتىلەرىنەن – 49%-عا»، – دەدى الماتى قالاسى اكىمىنىڭ ورىنباسارى.

ينۆەستيسيالىق بەلسەندىلىكتىڭ جوعارى دەڭگەيىن جەكە ينۆەستيسيالاردىڭ 16%-عا وسۋىنەن بولعانىن اتاپ وتكەن ءجون. بۇل رەتتە ءبىرىنشى جارتىجىلدىقتا تىكەلەي شەتەلدىك ينۆەستيسيا 32 پايىزعا ءوسىپ، 2،3 ميلليارد دوللاردى قۇرادى.

وكق سپيكەرى جىل باسىنان بەرى 1،2 ترلن تەڭگەدەن استام ينۆەستيسيا تارتىلعانىن ناقتىلادى. جالپى، 2022 جىلدىڭ قورىتىندىسى بويىنشا الماتى ەكونوميكاسى 5،0%-عا دەيىن وسەدى دەپ كۇتىلۋدە.