الماتى قالاسى ءماسليحاتىنىڭ كەزەكتەن تىس VII سەسسياسىندا دەپۋتات، قوعام قايراتكەرى، ەكولوگ تيمۋر ەلەۋسىزوۆ "اۆتوبۋستار زيراتىنا" ماسەلەسىن كوتەردى.
- ءبىز جالپى ۇزاق جىلدار بويى اكىمدىكتى جولاۋشى تاسىمالىن سۋبسيديالاۋىن قولداپ كەلدىك، سەبەبى ونىڭ ءبارى شىعىن. ءبىراق ءقازىر الەۋمەتتىك جەلىدە 600 اۆتوبۋس پەن 100 تروللەيبۋس جايلى "اۆتوبۋس زيراتى" ماسەلەسى كوتەرىلىپ جاتىر. 600 اۆتوبۋس نە ءۇشىن جۇمىس ىستەمەيدى، نەگە ولاردىڭ بولشەكتەرى ساتىپ الىنىپ ارى قاراي قولدانىسقا ەنبەي جاتىر؟
وعان قالالىق موبيلدىلىك باسقارماسىنىڭ باسشىسى ساعىندىق تەلىبايەۆ جاۋاپ بەردى. ونىڭ سوزىنشە، بۇل تۇراقتا 823 اۆتوبۋس بار، ونىڭ 651ء-ى سەنىم باسقارۋى نەگىزىندە "Green Bus" ج ش س جۇمىس ىستەگەن.
- بۇل اۆتوبۋستار 2010-2013 جىلدارى شىعارىلعان. ءقازىر ولاردىڭ توزىعى جەتكەندىكتەن جوندەۋ مۇمكىن بولماي ەمەس. ال قالعان 157 اۆتوبۋستى الماتى وبلىسىنىڭ بالانسىنا بەردىك. جالپى سانى 15 بولاتىن 18 مەترلىك لياز اۆتوبۋستارى ساقتاۋدا تۇر. ءقازىر ولاردىڭ بولشەكتەرى ساتىپ الىنۋدا جانە دە بيىل بۇل 15 اۆتوبۋستى جوندەۋدى جوسپارلاپ وتىرمىز.