دەنساۋلىق ساقتاۋ مينيسترلىگى مەديسينالىق ءبىلىم بەرۋ ساپاسى بويىنشا ەنگىزىلگەن تالاپتار اياسىندا ەلىمىزدىڭ 91 مەديسينالىق كوللەدجىن مەملەكەتتىك اتتەستاتتاۋدان وتكىزدى، ونىڭ 11ء-ى اتتەستاتتاۋدان وتە المادى
مەملەكەتتىك اتتەستاتتاۋ دەنساۋلىق ساقتاۋ سالاسىنداعى تەحنيكالىق جانە كاسىپتىك ءبىلىم بەرۋ سالاسىنداعى وقۋ جۇمىس باعدارلامالارىنا، بازالىق كاسىپتىك مودۋلدەردى وقىتۋعا، مەملەكەتتىك جالپىعا مىندەتتى ءبىلىم بەرۋ ستاندارتىنىڭ تالاپتارىنا، كادرلىق الەۋەتكە، وقۋ-تاربيە جۇمىسىن ۇيىمداستىرۋعا قاتىستى ءبىرقاتار ماسەلەلەردى انىقتادى، دەپ حابارلايدى Almaty-akshamy.kz
دەنساۋلىق ساقتاۋ مينيسترلىگىنىڭ وكىلدەرى انىقتالعان بۇزۋشىلىقتار ءبىر جىل ىشىندە جويىلۋعا ءتيىس ەكەنىن ەسكەرتىپ، ءتۇسىندىرۋ جۇمىستارىن جۇرگىزدى.
«قايتا اتتەستاتتاۋ كەزىندە بۇزۋشىلىقتار انىقتالعان جاعدايدا، ق ر دەنساۋلىق ساقتاۋ مينيسترلىگى دەنساۋلىق ساقتاۋ سالاسىنداعى ءبىلىم بەرۋ ۇيىمىنا بارۋ نەمەسە ءبىلىم بەرۋ قىزمەتىنە ليسەنزيانى قايتارىپ الۋ ارقىلى باقىلاۋ جوسپارىنا ەنگىزۋ ءۇشىن اتتەستاتتاۋدان وتپەگەن مەديسينالىق كوللەدجدەردىڭ تىزبەسىن ق ر ءبىلىم مينيسترلىگىنە جىبەرەدى»،- دەلىنگەن ۆەدومستۆو حابارلاماسىندا.