الماتى اكىمدىگى جولداردى ۇزاق مەرزىمدى پايدالانۋ ءۇشىن قۇرىلىستىڭ جاڭا تەحنولوگيالارىن ەنگىزۋدە

الماتىدا اۋقىمدى جول جوندەۋ جۇمىستارى جۇرگىزىلۋدە.

مەگاپوليس اكىمدىگى جول جابىنىن جاقسارتۋ نەمەسە جىلۋمەن جابدىقتاۋ، سۋمەن جابدىقتاۋ، سۋ بۇرۋ جەلىلەرىن رەكونسترۋكسيالاۋ ماقساتىندا قۇرىلىس جانە جوندەۋ جۇمىستارى جۇرگىزىلىپ جاتقان 200-دەن استام جول ۋچاسكەلەرى تۋرالى اقپاراتتى قامتيتىن دەرەكتەردى جاريالادى، دەپ حابارلايدى Almaty-akshamy.kz

اياقتالۋ مەرزىمى كورسەتىلگەن: ماگيسترالدىق كوشەلەر بويىنشا ورتاشا جوندەۋدى وقۋ جىلى باستالعانعا دەيىن، ال اۋداندىق ماڭىزى بار كوشەلەردى اعىمداعى جىلدىڭ قاراشا ايىنىڭ سوڭىنا دەيىن اياقتاۋ جوسپارلانۋدا.

ماسەلەن، اعىمداعى جىلى اكىمدىك ۇزىندىعى 200 كم-دەن اساتىن 230 كوشەنى ورتاشا جوندەۋمەن جوندەۋدى جوسپارلاپ وتىر. الماتىدا بارلىعى 2746 كوشە بار، كوشە-جول جەلىسىنىڭ ۇزىندىعى 3097 كم قۇرايدى.اعىمداعى جىلى اۆتوجولداردىڭ ۇلەسىن بىلتىرعى 86%-دان 89%-عا دەيىن، كەيىننەن 2025 جىلعا قاراي 95% - عا دەيىن كوتەرۋ جوسپارلانۋدا. اتالعان ماقسات ءۇشىن جىل سايىن ۇزىندىعى كەمىندە 200 كم جولدارعا ورتاشا جوندەۋ جۇرگىزۋ جوسپارلانۋدا، باسقاشا ايتقاندا، جۇرگىزىلەتىن جوندەۋ جۇمىستارىنىڭ كولەمى مەگاپوليستىڭ ينفراقۇرىلىمدى جاقسارتۋ جونىندەگى جوسپارلارىنا تولىق سايكەس كەلەدى.

الماتىدا جولدارعا جۇكتەمە ارتىپ كەلەدى. قالا ءوسىپ كەلەدى جانە ونىڭ جولدارىندا كوبىرەك كولىك پايدا بولادى. بارلىق سالالاردا تيىمدىلىكتى ارتتىرۋ ءۇشىن يننوۆاسيالىق ادىستەر ەنگىزىلۋدە، جول سالاسى دا ەرەكشەلىك بولعان جوق.