«ترەدس» دەگەن اتاۋ العان قىزمەت تانىمال بولىپ كەلە جاتىر.
Twitter Meta كومپانياسىن سوتقا بەرمەك، دەپ حابارلايدى Almaty-akshamy.kz
مارك سۋكەربەرگ جاڭا الەۋمەتتىك جەلىنى ىسكە قوستى. «ترەدس» دەگەن اتاۋ العان قىزمەت تانىمال بولىپ كەلە جاتىر. ءبىر تاۋلىكتە جاڭا جەلىگە 30 ملن ادام تىركەلىپ ۇلگەرگەن.
بۇل الەۋمەتتىك جەلىدە ينستاگرام، فەيسبۋكتەگىدەي پوست جازىپ، سۋرەت جاريالاپ، ۇناعان جازبانى بولىسۋگە بولادى. عالامتور سىنشىلارى جاڭا قوسىمشانىڭ ينتەرفەيسىن Twitter-گە ۇقساتتى. مارك سۋكەربەرگ پەن يلون ماسك اراسىندا داۋ-داماي تۋىنداپ، بولاشاقتا ەكى ميللياردەر اراسىندا باسەكە پايدا بولاتىنى ايتىلعان.
ال Twitter Threads ميكروبلوگ سەرۆيسىنىڭ ىسكە قوسىلۋىنا بايلانىستى Meta كومپانياسىن سوتقا بەرۋگە نيەتتى.
«ءبىز كورىپ وتىرعانىمىزداي، Twitter كونسەرۆاتيۆتى بولىپ كەلەدى. ونىڭ بەلسەندى قولدانۋشىلارى دا جاڭا پلاتفورما پايدا بولعانىن قالايدى. «ترەدس» جاقسى التەرناتيۆا بولۋى ءتيىس»، - دەدى Forrester كومپانياسىنىڭ زەرتتەۋ ءبولىمىنىڭ باسشىسى مايك پرۋ.