الماتى اكىمدىگىنىڭ قالپىنا كەلتىرىلگەن عيماراتى سەيسميكالىق ءقاۋىپ تونگەن جاعدايدا 10 باللعا توتەپ بەرە الادى، دەپ حابارلايدى almaty-akshamy.kz
قالالىق اكىمدىك عيماراتىندا ەنەرگيا ۇنەمدەۋ تەحنولوگيالارى قولدانىلىپ، ورتكە ءتوزىمدى ماتەريالدار پايدالانىلدى، سونداي-اق بارلىق قاباتتار بويىنشا ءورت ءسوندىرۋ جانە كىرۋدى باقىلاۋ جۇيەلەرى بار. سونىمەن قاتار، حالىقارالىق ستاندارتتاردى ەسكەرە وتىرىپ، عيماراتتىڭ سەيسميكالىق كۇشەيۋى مەن جەر سىلكىنىسىنە توزىمدىلىگى بويىنشا ۇلكەن جۇمىس جۇرگىزىلدى.
«اكىمدىك عيماراتىن رەكونسترۋكسيالاۋ كەزىندە بولشەكتەۋ بارىسىندا بەلگىلى ءبىر قيىندىقتار بايقالدى. مىسالى، ءورت كەزىندە بىرنەشە پليتالار بەرىكتىگىن جوعالتتى جانە ولاردى جاڭا جولمەن تولتىرىپ، كۇشەيتۋگە تۋرا كەلدى. سەيسميكالىق كۇشەيتۋ جۇمىستارى اياسىندا مەتالدىڭ كوپ مولشەرى جۇمسالدى، ءقازىر بۇل جۇمىستار كورىنبەيدى، ءبىراق توتەنشە جاعداي كەزىندە بەرىك كونسترۋكسيالار عيماراتتى ساقتاپ قالۋعا مۇمكىندىك بەرەدى»، - دەدى «اتريكس-ستروي» ج ش س قۇرىلىس كومپانياسىنىڭ ديرەكتورى ءامىرجان نابييەۆ.
ونىڭ ايتۋىنشا، الماتى اكىمدىگىنىڭ عيماراتى رەكونسترۋكسيادان كەيىن جەر سىلكىنىسى بولعان جاعدايدا 10 باللعا توتەپ بەرە الادى.