جۇرگىزۋشى جانارماي قۇيۋ ستانسياسىنان كولىكتى ءقاۋىپسىز ورىنعا سۇيرەپ ۇلگەرگەن.
ونىڭ ۆيدەوسى الەۋمەتتىك جەلىدە تارادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالالىق توتەنشە جاعدايلار دەپارتامەنتى وكىلدەرىنىڭ حابارلاۋىنشا، ءورت تۇسكى ساعات 11:14-تە شىققان.
«ءورت ءسوندىرۋ قىزمەتىنىڭ كەزەكشى بولىمىنە تۇركسىب اۋدانى بورالداي كوشەسى، 79 ۆ ءۇيدىڭ جانىدا ءورت شىققانى تۋرالى حابار ءتۇستى. ءورت سوندىرۋشىلەر قۇرامىندا 13 ادام، 2 تەحنيكامەن وقيعا ورنىنا جەتكەندە گاز 47-532 112 جۇك اۆتوكولىگى اشىق جالىنمەن جانىپ جاتتى. جانعان اۆتوكولىكتىڭ جۇرگىزۋشىسى جانارماي قۇيۋ ستانسياسىنان كولىكتى ءقاۋىپسىز ورىنعا سۇيرەپ ۇلگەرگەن»، - دەپ حابارلادى ۆەدومستۆودان.
ءورت سوندىرۋشىلەر جانىپ جاتقان كولىكتەن سەگىز بوشكەنى ەۆاكۋاسيالادى، ونىڭ ۇشەۋى جانارمايعا تولى بولعان.
«ءورت سوندىرۋگە جانە قىزعان قۇرىلىمداردى سالقىنداتۋعا قۇرامىندا كوبىگى بار ءورت وقپاندارىن ەنگىزىپ، قىزىل جالىن 11:35-تە ءسوندىرىلدى» - دەپ اتاپ ءوتتى دەپارتامەنتتەن.