دەليميتاسيا جۇمىستارى تولىعىمەن اياقتالعان.
سىرتقى ىستەر ءمينيسترى مۇحتار تىلەۋبەردى رەسەيمەن اراداعى شەكارانى دەماركاسيالاۋ 2-3 جىلداي ۋاقىت الادى دەپ وتىر، دەپ حابارلايدى Almaty-akshamy.kz
قازاقستان مەن رەسەيدىڭ شەكاراسى 7،5 مىڭ شاقىرىمنان اسادى. وسى ۋاقىتقا دەيىن دەليميتاسيا جۇمىستارى تولىعىمەن اياقتالعان. ءبىراق دەماركاسيا، ياعني، ارنايى بەلگىلەردى ورناتۋ شارالارى اياقتالماي جاتىر.
«شەكارانىڭ 70 پروسەنتى دەماركاسيادان، شەگەندەۋدەن وتكىزىلگەن. ەندى 30 پايىزى قالىپ وتىر. سونىڭ ءبارى قيىن جاقتاردا - تاۋلى جەردە ورنالاسقان. سوندىقتان قوسىمشا 2-3 جىلداي ۋاقىت الادى دەپ وتىرمىز»، - دەدى تىلەۋبەردى.
پرەمەردىڭ ورىنباسارى شەكارانى مەجەلەۋ، ياعني، دەليميتاسيالاۋ تولىعىمەن اياقتالعانىن ەرەكشە اتاپ ءوتتى.
«ءبىز شەكارانىڭ قاي جەردە وتەتىنىن ناقتى ءبىلىپ وتىرمىز. ءقازىر شەگەندەۋ پروسەسى عانا قالدى»، - دەپ اتاپ كورسەتتى م.تىلەۋبەردى.