تاراز قالاسىندا وتكەن سامبودان رەسپۋبليكالىق چەمپيوناتىندا قازاقستان رەسپۋبليكاسى ءىىم م.ەسبولاتوۆ اتىنداعى الماتى اكادەمياسىنىڭ 1-كۋرس كۋرسانتتارى جۇلدەلى ورىندارعا يە بولىپ، ءوزىنىڭ جوعارى سپورتتىق ناتيجەلەرىن كورسەتتى.
اتالعان دودادا ب ا ق سىناعان كۋرسانتتار اسەم قۋاندىقوۆا 1-ورىندى يەلەنسە، رامينا تۇرسىنعالي ءوزىنىڭ سالماق دارەجەسىندە 3-ورىندى قانجىعاسىنا بايلادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇل قىزداردىڭ لايىقتى جەڭىسى جانە بۇكىل اكادەميا ءۇشىن ماقتانىش. وسىلايشا ولار قازاقستاندىق پوليسيانىڭ ابىرويىن كوتەردى دەپ سانايمىز. تاباندىلىق پەن ەرىك-جىگەردىڭ ارقاسىندا كۋرسانت قىزدار تۇعىردىڭ شىڭىنا جەتتى، ءالى دە ۇلكەن جەتىستىكتەرگە جەتەتىندەرىنە سەنىمدىمىز»، – دەپ اتاپ ءوتتى ق ر ءىىم م.ەسبولاتوۆ اتىنداعى الماتى اكادەمياسى باستىعىنىڭ كومەكشىسى ەلنار جاقيانوۆ.
ايتا كەتەيىك، قىزدار سامبومەن بالا كەزىنەن اينالىسادى. ۇزاق جانە ماقساتتى جۇمىس، سونداي-اق جەڭىسكە دەگەن ۇمتىلىس جاس سپورتشىلاردى ويداعىداي ناتيجەگە جەتكىزدى. اكادەميادا بۇل جەتىستىكتىڭ ۆەدومستۆولىق وقۋ ورنىنىڭ تاريحىندا قالاتىنىن اتاپ ءوتتى.