ەندىگى مەرزىم 2025 جىلدىڭ 1 قاڭتارى دەپ كورسەتىلەدى.
زاڭ بويىنشا مەرزىم 2023 جىلدىڭ 1 قاڭتارىندا اياقتالعان، دەپ حابارلايدى Almaty-akshamy.kz
"اتامەكەن" ۇكپ ماماندارى استانا، الماتى جانە شىمكەنت قالالارىندا بازارلاردى مودەرنيزاسيالاۋ مەرزىمىن ۇزارتۋ تۋرالى ماسەلەنى بىرنەشە رەت كوتەرىپ كەلدى.
دەمەك، مىڭداعان ساۋدا ورىندارىنىڭ جابىلىپ قالۋ ءقاۋپى تۋدى. ون مىڭنان اسا كاسىپكەر مەن وتباسىلارى تابىسسىز قالار ەدى.
ەسكە سالا كەتسەك، مودەرنيزاسيالاۋ كوشە دۇڭگىرشەكتەرى، كونتەينەرلىك پاۆيلونداردى ساۋدا جانە ويىن ساۋىق ورتالىقتارى نەمەسە ساۋدا ۇيلەرى ۇلگىسىندە زاماناۋي وبەكتىلەرگە اۋىستىرۋدى كوزدەيدى.
جيىندا ساۋدا جانە ينتەگراسيا ۆيسە-مينيسترى وسى ماسەلەگە قاتىستى مينيسترلىكتىڭ پوزيسياسىن ايتتى.
سپيكەر قازىرگى كەزدە پارلامەنت ءماجىلىسىنىڭ قاراۋىندا بازارلاردى جاڭارتۋ مەرزىمىن 2025 جىلعا دەيىن ۇزارتۋ بويىنشا "اتامەكەن" باستاماشىلىق ەتكەن تۇزەتۋ تالقىلانىپ جاتقانىن ايتتى. مينيسترلىك بۇل باستامانى قولدايدى جانە ۇلتتىق پالاتامەن بىرلەسىپ، ونى ماجىلىستە قورعاۋعا دايىن.
"ءبىز ۇلتتىق پالاتامەن بىرلەسىپ، بۇل ماسەلەنى پىسىقتادىق. زاڭ جوباسىندا مودەرنيزاسيالاۋ مەرزىمى 2025 جىلدىڭ 1 قاڭتارىنا دەيىن دەپ جازىلادى. ساۋدا ورىندارىن جابامىز دەپ ەشكىم ايتىپ جاتقان جوق"، – دەدى ۆيسە-مينيستر.
ارمان شاكقالييەۆ جول كارتاسى بويىنشا مىندەتتەمەلەر ساقتالاتىنىن اتاپ ءوتتى.
جول كارتاسى ءار بازار بويىنشا ەگجەي-تەگجەيلى ءىس-شارالاردان باسقا، ساۋدا سالاسىندا جەكە كاسىپكەرلىككە مەملەكەتتىك قولداۋ شارالارىن كورسەتۋ ماقساتىندا "جەكە كاسىپكەرلىكتى مەملەكەتتىك قولداۋدىڭ كەيبىر شارالارى تۋرالى" ق ر ۇكىمەتىنىڭ 2019 جىلعى 31 جەلتوقسانداعى № 1060 قاۋلىسىنا وزگەرىستەر ەنگىزۋ جونىندەگى تارماقتى دا قاراستىراتىنىن اتاپ وتكەن ءجون.
جول كارتاسىندا كوزدەلگەن ءىس-شارالاردى ىسكە اسىرۋ بازارلاردى جاڭعىرتۋ بارىسىنا تۇراقتى مونيتورينگ جۇرگىزۋگە مۇمكىندىك بەرەدى.