الماتى اكادەمياسىندا جاس عالىمدار كەڭەسىنىڭ وتىرىسى ءوتتى

ءىىم م.ەسبولاتوۆ اتىنداعى الماتى اكادەمياسىندا جاس عالىمدار كەڭەسىنىڭ كەڭەيتىلگەن وتىرىسى وتكىزىلدى.

كەڭەس وتىرىسىنا اكادەميانىڭ جاس عالىمدارى مەن جوعارى وقۋ ورنىنان كەيىنگى فاكۋلتەتتىڭ (№3 فاكۋلتەت) عىلىمي-پەداگوگيكالىق جانە بەيىندىك باعىت بويىنشا ءبىلىم الىپ جۇرگەن ماگيسترانتتارى مەن دوكتورانتتارى قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

 «وركەنيەتتى ەلدەردە عالىمدار ەڭ جوعارعى زياتكەرلىك توپ سانالادى. عىلىمدا جاڭاشا ءارى جاقسى ناتيجەگە جەتۋ ءۇشىن زەرتتەۋشىلەر قاتارى كوپ بولۋى كەرەك. وسىعان وراي ىشكى ىستەر ءمينيسترى مارات احمەتجانوۆ تا “عىلىمعا ەرەكشە دەن قويىلۋى كەرەك” دەگەن تاپسىرما بەرىپ جاتىر. وزدەرىڭىزگە بەلگىلى، مەملەكەت باسشىسى قاسىم-جومارت توقايەۆ عىلىم تۋرالى “ءبىز عىلىمعا شىنايى بەرىلگەن ازاماتتاردى عانا قولداۋىمىز قاجەت. ونىڭ جولدارىن جان-جاقتى ويلاستىرعان ءجون” دەگەن بولاتىن. بۇگىنگى عىلىمي وتىرىستىڭ ماقساتى – مىندەتتەردىڭ ورىندالۋ بارىسىن تالقىلاۋ»، – دەدى جاس عالىمدار كەڭەسىنىڭ وتىرىسىن اشقان اكادەميا باسشىسى ا. سايتبەكوۆ.

كەڭەستە جاس عالىمدار كەڭەسىنىڭ قۇرامىن سايلاۋ جانە بەكىتۋ تۋرالى ماسەلە قوزعالدى. سونداي-اق 3-كۋرس دوكتورانتى ا. بەرەكەنوۆتىڭ “ساندىق ۆاليۋتالاردى پايدالانا وتىرىپ جاسالعان قىلمىستىق قۇقىق بۇزۋشىلىقتارعا قارسى ءىس-قيمىلدىڭ ەرەكشەلىكتەرى” اتتى ديسسەرتاسيالىق زەرتتەۋ تاقىرىبى مەن باسقا دا بىرنەشە عىلىمي جۇمىس تالقىلاندى.