بوكسشى ايدوس ەربوسىن ۇلى جەكپە-جەكتەن كەيىن كوماعا ءتۇستى

ايدوس ەربوسىن ۇلى كاسىبي رينگتە ءبىرىنشى رەت نوكاۋتپەن جەڭىلدى

TGB Promotions پروموۋتەرلىك كومپانياسى مەن Premier Boxing Champions تەلەفرانشيزاسى قازاقستاندىق بوكسشى ايدوس ەربوسىن ۇلىنىڭ جاعدايى تۋرالى تۇسىنىك بەردى، دەپ حابارلايدى Almaty-akshamy.kz Sports.kz سايتىنا سىلتەمە جاساپ.

سپورتشى ەكىنشى ورتا سالماقتاعى WBA Regular الەم چەمپيونى تيتۋلى ءۇشىن ايقاستا كۋبالىق داۆيد موررەلدەن نوكاۋتپەن جەڭىلگەننەن كەيىن جاساندى كومادا جاتىر، دەپ جازدى قازاقپارات.

جەكپە-جەك 12ء-شى راۋندتا مەرزىمىنەن بۇرىن اياقتالدى، تورەشى توني ۋيكس جەكپە-جەكتى توقتاتىپ، موررەلدىڭ جەڭىسىن نوكاۋتپەن سانادى.

بۇعان دەيىن ايدوس نوكداۋنعا تۇسكەن بولاتىن.

«TGB Promotions جانە PBC وكىلدەرى ايدوستىڭ كومانداسىمەن بىرگە ميننەاپوليستە. ءبىز جاعدايدى ءجىتى باقىلاپ وتىرمىز. بوكسشىنىڭ جەكە ومىرىنە جانە وتباسىنا قۇرمەتپەن قارايمىز، سوندىقتان قوسىمشا اقپاراتتى بولىسە المايمىز، ءبىراق بوكس قاۋىمداستىعىن دۇعادا بولۋعا شاقىرامىز»، - دەلىنگەن Fight Freaks Unite مالىمدەمەسىندە.

ەسكە سالايىق، كەشە قازاقستاندىق بوكسشى ايدوس ەرموسىن ۇلى (16-0، 11 كو) مەن كۋبالىق داۆيد موررەل (7-0، 6 كو) اراسىندا WBA نۇسقاسى بويىنشا سۋپەر ورتا سالماقتاعى «تۇراقتى» الەم چەمپيونى اتاعى ءۇشىن جەكپە-جەك وتكەن بولاتىن.

جەڭىلىپ كورمەگەن قازاقستاندىق بوكسشى ايدوس ەرموسىن ۇلى جاس كۋبالىق داۆيد موررەلگە قارسى تيتۋلدىق جەكپە-جەكتە جەڭىلگەنىن مويىنداۋعا ءماجبۇر بولدى.

ايدوس ەربوسىن ۇلى كاسىبي رينگتە ءبىرىنشى رەت نوكاۋتپەن جەڭىلدى.