قارجى پيراميداسىن ۇيىمداستىرۋشى 6 جىل 8 ايعا باس بوستاندىعىنان ايىرىلدى.
قارجى مونيتورينگى اگەنتتىگىنىڭ باسپا ءسوز قىزمەتىنىڭ مالىمەتىنشە، B2B Jewelry قارجىلىق پيراميداسىنىڭ 197 سالىمشىسىنا 123 ميلليون تەڭگە قايتارىلدى، - دەپ حابارلايدى Almaty-akshamy.kz
اگەنتتىكتىڭ الماتى قالاسى بويىنشا دەپارتامەنتى B2B Jewelry زەرگەرلىك دۇكەندەر جەلىسىنىڭ اتىن جامىلعان قارجى پيراميداسىنىڭ قىزمەتىن ۇيىمداستىرۋعا قاتىستى سوتالدى تەرگەۋىن اياقتاعان.
سوت ۇكىمى بويىنشا، قارجى پيراميداسىن ۇيىمداستىرۋشى كىنالى دەپ تانىلىپ، ول 5 جىل مەرزىمگە قارجىلىق قىزمەتپەن اينالىسۋ قۇقىعىنان ايىرۋمەن 6 جىل 8 ايعا باس بوستاندىعىنان ايىرىلدى.
ۆەدومستۆو مالىمەتىنشە، قىلمىستىڭ قالعان سىبايلاستارىنا قاتىستى سوتالدى ءىس جۇرگىزۋ اياقتالۋعا جاقىن.