"الماتى قالاسىن 2025 جىلعا دەيىن دامىتۋ جانە 2030 جىلعا دەيىنگى ورتا مەرزىمدى پەرسپەكتيۆالار باعدارلاماسىندا" كۇنى بۇگىنگە دەيىن بەينەباقىلاۋمەن قامتىلماعان الەۋمەتتىك وبەكتىلەردە 7 مىڭعا دەيىن بەينەباقىلاۋ كامەرالارىن ورناتۋ قاراستىرىلعان. بۇل جۇمىس كەلۋشىلەر مەن قىزمەتكەرلەردىڭ قاۋىپسىزدىگىن قامتاماسىز ەتۋ ماقساتىندا جۇرگىزىلەدى دەپ حابارلايدى almaty-akshamy.kz
بۇدان باسقا، ەسەپكە الىنعان جانە جوعالعان ادامداردى ىزدەۋ كەزىندە جەدەل ارەكەت ەتۋ، اۋەجايدا، ۆوكزالداردا جانە ادامدار كوپ جينالاتىن جەرلەردە قاۋىپسىزدىكتى قامتاماسىز ەتۋ ءۇشىن 2026 جىلدان باستاپ بارلىق بەينەباقىلاۋ جۇيەلەرىنە بەينەاناليتيكا جانە تۇلعالاردى تانۋ فۋنكسياسى ينتەگراسيالاناتىن بولادى.
2027 جىلعا قاراي بەينەباقىلاۋ جۇيەسى الماتى پوليسيا دەپارتامەنتىنىڭ جەدەل باسقارۋ ورتالىعىنا بەينە سۋرەتتى شىعارا وتىرىپ، تەرروريستىك تۇرعىدان وسال بارلىق وبەكتىلەر مەن كوپپاتەرلى تۇرعىن ءۇي كەشەندەرىنىڭ اۋلالارىندا كامەرالار ورناتۋ ەسەبىنەن كەڭەيتىلەتىن بولادى، بۇل ءتۇتىندى، وتتى، قالدىرىلعان زاتتاردى تانۋ جانە ولارعا جەدەل دەن قويۋ سياقتى ىقتيمال قاتەرلەردىڭ بولۋىن قاداعالاۋعا مۇمكىندىك بەرەدى.
الماتىنى دامىتۋ باعدارلاماسىنا سايكەس، 2025 جىلعا دەيىن ادامدار كوپ جينالاتىن جەرلەردە "SOS دابىل تۇيمەسى" شۇعىل اۋديو/بەينە قوڭىراۋ جۇيەسىن ورناتۋ اياقتالادى، بۇل جاسالعان زاڭسىز ارەكەتتەرگە جەدەل دەن قويۋعا، سونداي - اق كەزەكشى پوليسيا قىزمەتكەرىن بەينە جانە اۋديوبايلانىس ارقىلى دەرەۋ قوسۋعا مۇمكىندىك بەرەدى.
قالا قۇرىلىسى اياسىندا قاۋىپسىزدىك ماسەلەلەرىن شەشۋدە ءتۇرلى كوزقاراستى بولدىرماۋ جانە قولايلى جانە ءقاۋىپسىز كوشەلەردى قالىپتاستىرۋ پروسەسىنىڭ تيىمدىلىگىن ارتتىرۋ ءۇشىن 2030 جىلعا دەيىن كوشەلەردى كەشەندى رەكونسترۋكسيالاۋ ءتاسىلى – جارىق، بەينەباقىلاۋ، جاياۋ جۇرگىنشىلەر ايماعى، درەناج، كوگالداندىرۋ جانە ۆەلوسيپەد جولى ەنگىزىلەتىن بولادى.
كولىكتىك ميكروموبيلدى ينفراقۇرىلىمدى سالۋ ءۇشىن كوشەلەردىڭ گەومەترياسى وزگەرتىلەدى، بۇل ولاردى جوندەۋ جوباسىن جاساۋعا مۇمكىندىك بەرەدى، ونىڭ اياسىندا پروبلەمالار بىردەن شەشىلەتىن بولادى: قالانىڭ ەسكىرگەن جاسىل قورى مەن نوسەر جەلىسىن جاڭارتۋ، حالىقتىڭ مۇمكىندىگى شەكتەۋلى توبى ءۇشىن كەدەرگىسىز ورتا قۇرۋ، الماتى جولدارىنداعى اپاتتى تومەندەتۋ ءۇشىن Vision Zero تۇجىرىمداماسىنىڭ ەلەمەنتتەرىن ەنگىزۋ.