شوب سەكتورىندا 972،1 مىڭ ادام جۇمىسپەن قامتىلعان — الماتىدا جۇمىسپەن قامتۋدىڭ جالپى دەڭگەيىنىڭ 90%
شاعىن جانە ورتا بيزنەس الماتىنىڭ ەكونوميكالىق دامۋىندا شەشۋشى ءرول اتقارادى ءارى قالا ەكونوميكاسىنىڭ نەگىزىن قالىپتاستىرىپ، ونىڭ تۇراقتىلىعىن قامتاماسىز ەتەدى. بۇل تۋرالى الماتى قالاسىنىڭ ەكونوميكا باسقارماسىنان حابارلادى.
2024 جىلدىڭ قورىتىندىسى بويىنشا شوب سۋبەكتىلەرىنىڭ ءونىم شىعارۋ كولەمى وتكەن جىلمەن سالىستىرعاندا 13،9% - عا ۇلعايىپ، 24،9 ترلن تەڭگەنى قۇرادى. قالانىڭ جالپى وڭىرلىك ونىمىندەگى شوب ۇلەسى 60،3% - عا جەتتى، بۇل ەلدەگى ەڭ جوعارى كورسەتكىشتەردىڭ ءبىرى بولىپ تابىلادى.
شوب سەكتورى جۇمىسپەن قامتۋدىڭ باستى كوزى بولىپ قالا بەرەدى: 2024 جىلى وندا 972،1 مىڭ ادام جۇمىسپەن قامتىلدى، بۇل الماتىداعى جۇمىسپەن قامتۋدىڭ جالپى دەڭگەيىنىڭ 90% -ىن قۇرايدى. 2025 جىلعى 1 مامىرداعى جاعداي بويىنشا قالادا بەلسەندى جۇمىس ىستەيتىن بيزنەس سۋبەكتىلەرىنىڭ سانى 378،9 مىڭ بىرلىككە جەتتى، بۇل اعىمداعى جىلدىڭ باسىمەن سالىستىرعاندا 7،4% - عا ارتىق.
2025 جىلعى ساۋىردە الماتىدا رەسپۋبليكاداعى ەڭ جوعارى ىسكەرلىك بەلسەندىلىك تىركەلدى: ىسكەرلىك بەلسەندىلىك يندەكسى 57،9% -دى قۇرادى.
اعىمداعى جىلى شاعىن جانە ورتا بيزنەستى قولداۋعا 70 ملرد تەڭگە ءبولىندى، ونىڭ ىشىندە 52،8 ملرد تەڭگە — جەرگىلىكتى بيۋدجەتتەن نەمەسە 2024 جىلمەن سالىستىرعاندا 2،5 ەسە كوپ.
الماتى كاسىپكەرلىكتى دامىتۋ ءۇشىن قولايلى جاعدايلار جاساۋدى جالعاستىرىپ، قالانىڭ ىسكەرلىك باستاماشىلىق پەن ورنىقتى ەكونوميكالىق ءوسۋ ورتالىعى رەتىندەگى مارتەبەسىن نىعايتۋدا.