ۆاگوندار الماتى – ماڭعىستاۋ جانە الماتى – وسكەمەن باعىتتارى بويىنشا جۇرەتىن بولادى
الماتى ستانسياسىنان №77/78 "الماتى-2-ماڭعىستاۋ" جولاۋشىلار پويىزى قۇرامىندا پەتروپاۆل قالاسىنداعى "زيكستو" اق ۆاگون جاساۋ زاۋىتىندا شىعارىلعان جاڭا ۆاگوندار جونەلتىلدى، دەپ حابارلايدى Almaty-akshamy.kz "قازاقستان تەمىرجولى" اق باسپا ءسوز قىزمەتىنە سىلتەمە جاساپ.
ۆاگون پاركىن جاڭارتۋ باعدارلاماسى اياسىندا "جولاۋشىلار تاسىمالى" اق 400 ورىندىق 11 كۋپە ۆاگون ساتىپ الدى. ۆاگوندار الماتى – ماڭعىستاۋ جانە الماتى – وسكەمەن باعىتتارى بويىنشا جۇرەتىن بولادى.
"ۆاگوندار جايلى، تەحنيكالىق ارتىقشىلىقتارىمەن ەرەكشەلەنەدى. ولار اۋا باپتاۋ جۇيەلەرىمەن، اۋانى زارارسىزداندىرۋعا جانە تازارتۋعا ارنالعان زاماناۋي سۇزگىلەرمەن، ەكولوگيالىق تازا دارەتحانا كەشەندەرىمەن جابدىقتالعان. ۆاگونداردا زاماناۋي بەينەباقىلاۋ جۇيەسى بار: بەينەكامەرالار دالىزدەر مەن تامبۋرلاردا ورناتىلعان جانە ءتۇرلى-تۇستى رەجيمدە جۇمىس ىستەيدى. ءتۇتىن داچيكتەرى بار ءورت ءسوندىرۋ جۇيەسىمەن، جەكە ءورت شلانگىسىمەن جانە ءار ۆاگوندا سۋ قورىمەن جابدىقتالعان"، - دەلىنگەن كومپانيا حابارلاماسىندا.
ۆاگونداردىڭ قىزمەت ەتۋ مەرزىمى – 40 جىل.
"جولاۋشىلاردىڭ جايلىلىعى ءۇشىن ءار كۋپەدە ەلەكتر روزەتكالارى جانە جولدا ۇيالى تەلەفونداردى قايتا زاريادتاۋعا ارنالعان USB قوسقىشتارى ورناتىلعان. ۆاگونداردا توڭازىتقىش، ميكروتولقىندى پەش، اۋىز سۋ ديسپەنسەرى جانە ىستىق سۋ تيتانى بار"، دەپ قوستى كومپانيا وكىلدەرى.
سونداي-اق، جىل سوڭىنا دەيىن قىزىلوردا – سەمەي باعىتىندا جۇرەتىن وتاندىق ءوندىرۋشىنىڭ كۋپە جانە پلاسكارت ۇلگىسىندەگى تاعى 50 جاڭا ۆاگونىڭ جەتكىزۋ جوسپارلانۋدا.