جەڭىمپازدار يتاليادا وتەتىن الەم چەمپيوناتىنا بارادى
ەلدە شاحماتقا دەگەن قىزىعۋشىلىق جىلدان-جىلعا ارتىپ كەلەدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
وعان الماتىدا ءوتىپ جاتقان ەل بىرىنشىلىگى دالەل. بالالار مەن جاسوسپىرىمدەر اراسىنداعى ۇلتتىق بىرىنشىلىككە قازاقستاننىڭ تۇكپىر-تۇكپىرىنەن مىڭنان استام ۇمىتكەر كەلىپتى. "بۇل - بۇرىن-سوڭدى بولماعان رەكوردتىق كورسەتكىش"، - دەيدى ۇيىمداستىرۋشىلار. ازىرگە كلاسسيكالىق شاحماتتان جۇلدەلى ورىندار ساراپقا سالىنۋدا. ودان كەيىن جاس شاحماتشىلار راپيد پەن بليستە ب ا ق سىنايدى.
بيىلعى جارىستىڭ ۇتىس قورى دا قوماقتى. ول 13 ملن 500 مىڭ تەڭگەگە تەڭ. ءقازىر 8 تۋردان كەيىن 8 جاستاعى ورەندەر اراسىندا ءامىرجان انەتوۆ پەن ريزات ۇلان توپ باستاپ كەلەدى. ال قىزدار اراسىندا 6 جاستاعى ايشا بيسالييەۆا الدا تۇر.
جارىس جەڭىمپازدارى 30 ناۋرىز كۇنى بەلگىلى بولادى. ەل چەمپيونى اتانعاندار يتاليادا وتەتىن الەم چەمپيوناتىنا بارادى. ال ەكىنشى ورىن العاندار ازيا بىرىنشىلىگىنە قاتىسادى.
«شاحمات ءقازىر قازاقستاندا وتە جاقسى دامىپ كەلە جاتىر. قولداۋ كورسەتىلىپ جاتىر. سوندىقتان كوپتەگەن بالا ءقازىر شاحماتقا كوڭىلدەرىن كوبىرەك ءبولىپ، ۇيرەنگىسى كەلەتىن بالالار دا كوپتەپ كەلىپ جاتىر. چەمپيوناتقا دا، شاحماتقا دا كەلىپ جاتىر. سوندىقتان وسى چەمپيوناتتان كەيىن كوپتەگەن تالانتتارىمىزدىڭ بۇكىل الەمگە اتتارى شىعادى دەپ سەنەمىن»، - دەدى جارىس ديرەكتورى الما اشيروۆا.